1429. 85 (1429) April 18. Gesandschaftsbericht an den Breslauer Rath. Breslauer Stadt-Archiv, Roppan 50. m. m. m. m. Orig. Siegel verloren. Unsirn willigen unvordrussin dynst, ersamen, weissin, libin hern und gute frunde. Wissit, das der frede mit den keczczern abe ist, wen se allin gelymphin der, en von unserm gnediem hern kunige1) vorslogin habin. Sunderlich ist botschaft komen von den hussitin unserm gnediem hern kunige, das sich dy hussitin uff ein tag ken Brunen beruffin wellin und wellin sich dovor eynen, ab se czu dem consilio generali senden wollin uff dy refor- macio, dy man do machen sol, adir nicht, und wen die hussin den tag legen werdin, das sullin sy unserm hern kunige vorbotschafftin, dorzu wirt seyne kunigliche gnode seyne botschafft sendin, und eyn der czeit ist keyn frede nicht. Nu ist not, das man allinthalbin wol czu sehe, wen czweiffil ist, das se zu dem consilio generale nicht trethin werdin. Nu hot unser gnedier here kunig zu rothe gegangen mit allen ungerischen hern, mit den rech- steten, mit den beyrischin furstin, mit des von Burgundien rot, mit den Slesiern und allin andirn seyn underthon, und ist alzo beslussin, das sy im alle helffen wellin mit alle ire macht wedir seyne fynde und wellin mit seynen gnodin czuseczczen leyb, gut, ere und das leben. Nu wolde der kunig von jedermanne wissin, was sein hulffe mochte gessein. No habin im dy Swydeniczer czugesagt czu helffin mit XII millia manen und derczu alle lehenlewte mit ires selbes leybe, dy stete wellin se rewmen und wellin alle czu seynen gnedin ein das felt, ab is not tethe. Do frogethe uns der kunig, was unser hulffe von Bresslaw moch(te) gesein, stat und lant und alle geistlichkeyt methe. Do ant- worte wir: gnedier libir herre, wir kennen der czal der lewthe nicht gewissin, sindir wir wellin ewir kuniglichin gnodin helffin noch alle unserm vormogen. Do wanthe sich der kunig czu den fursten, ritterschaft und Sweydeniezern und den VI steten und sprach undir andirn worthin: ich dancke den Breslawern, dy hebin sich ken uns irberlich gehaldin und habin allewege gethon, was mir lip ist gewest. Dor noch am andirn tage sproch der (der) kunig ezu allin manen und stetin ein kegenwartikeyt der furstin: ich dancke den stetin, hettin mir dy furstin geantwort alze dy stete unde manschaft, ich welde in och dancken. Dor noch des andirn tages rufft der kunge alle furstin, man unde stete aus der Slesien unde sprach : wir wellin ein felt mochin ee e bessir unde habin obirslagen, das nuczczir ist, drey man richtin den virdin aus, item x man habin eyn wayn und ein haupptman, item C man I hauppman, tusint man ein hawpptman unde alzo vort an, unde wir wellin undir in allen der obirste haupptman sein; dy stete unde grinczin welte wir beseczczin czu tege- lichim krige uff den grinczin wedir dy vint, und hot ze der greneze czu weren benumet alle, dy an den grinczen siczczin, dem von Tessin, herezoge Nicolas von Rotebor, herczoge Sprimpko, hern Parteke 2), das land ze der Sweydenicz, dy VI stete, den allin wirt der kunig hulffe thun mit fulke nach ir beger, dy andirn furstin, man unde stete wil der kunig zu im habin ein das felt, unde wil das felt mochin mit alle sein Ungern unde wil czin ein dy Slesien. Do wil her czu im nemen alle vorgenanthin furstin, man unde stete unde wil 114. 1) Zu ergänzen : geschen ist. 2) Puota v. Czastolowicz, Hauptmann von Glatz.