1420 Aug. 11. K. Sigismund a. d. St. Breslau wegen des hussitischen Gesandten nach Polen. Breslauer Stadt-Archiv EEE 36. Orig. mit Spuren eines zum Verschlusse aufgedrückten Siegels. Sigmund von gotes gnaden romischer kunig zu allen zeiten merer des reichs vnd ze Vngern, zu Behem etc. kunig. Lieben getruen, ewren brief, den irvns gesenndet habt von wegen Hennygs von Gold- stein, daz der zu dem kunig von Polan von der wikleffen wegen geriten sey, darinne ir vns getrulich warnet, als vnsere sunder lieben getruen, die alveg sich gen vns vnd der crône zu Behem in aller stetikeyt getrue vnd erberkeyt vesticleich gehalten habt vnd steticlich bestanden seyt, des wir euch muglichen vnd gnedicleichen danken, vnd gen euch in gut nymmer vergessen wollen. Davon so begeren wir von euch mit ganczem fleis, daz ir daran nicht sparet an leib noch gute mit fleissiger fursichtikeyte, daz ir den egenanten Hennyge zu euch bringen mügt vnd an in komen, daz er euch nicht engee. Wan was ir darauf legen werdet, das wellen wir euch redlich widerkeren vnd geben. So wollen wir auch an allen steten fleissig warnung haben, noch aller vermugunge, daz er vns auch nicht engee. Vnd tut hieran in den vnd in allen andern sachen gen vns, als wir euch des genezlich gelauben vnd getrawen , vnd als ir das biszher alczyt getrulichen gen vns getan habt. Das wellen wir gen euch gnedielich erkennen. Geben auf dem perig zum Chutten. Am sontag nach sannd Laurencii tag. Vnserer rich des hungerischen etc. in dem xxxiiij, des romi- schen in dem zehenten vnd des behemischen in dem ersten jaren. Per dominum Gfeorgium], episcopum Pataviensem, cancellarium etc. Franciscus prepositus Boleslauiensis. 1. 1420 25. Nov. K. Sigismund ruft die Breslauer und Neumarkter zum Kampfe gegen die Hussiten auf. Breslauer Stadt-Archiv. 651. Signaturbuch v. 1420 f. 61. Wir Segemund von gots gnaden romischer kunig zu allen czeiten merer des reichs und zu Hungern, zu Behmen, Dalmatien, Croatien etc. kunig, embieten den burgermeister, ratmannen und burgern gemeynielich der stete zu Breslaw und zum Newmargte unsern lieben getruwen unser gnade und alles gut; lieben getrawen, ir wisset wol, wie sich die hussen und wicleffen wieder den heilgen cristenglouben mit keczereye und grosem irsal, mort und branth, kirchen brechen zu Prage und anderswo uffgeworffen haben und sich wieder uns und ire naturlichen herren mechtiglich uffleynen und vil ander bosheit treyben, das dis volkomelich zuschreiben zumole zu lang were, und sent nu die sachen, als man merken mag die gancze cristenheit beruret und wir auch sulcher macht zu wiedersten VI. 2. 1