1431. 101 1431 Januar 6. Die Schweidnitzer wünschen von den Görlitzern einen Geldvorschuss für ihre in Görlitz liegenden Söldner. Görlitzer Stadtbibliothek, Briefsammlung 213. Unsern vruntlichen dinst zuvor. Erbarn und weisen lieben frunde, wir bitten euch fruntlichen, daz ir den unsern, die wir itczunde bey euch legen haben u. euch czu gute, daz ir den wolt ufrichten u. leyen 9 schock, was do zu euch genge u. gebe ist, und uns daz furbas in ewirn brife vorschriben wolt, wenne wir daz von ewerntwegen ufrichten sollen, daz wollen wir gerne tun. Ouch wist ir wol, daz in desen lewfften unsicher ist gelt obir lant zu furen. Ouch lieben frunde wir bitten euch zu bestellen, daz man von den unsern neme groschen u. heller, was sie haben, und auch daz en die ewern gutlichen wollen tun an der czerungen, daz wollen wir auch gerne danken und verdienen. Geben an der heil. dreyen koünige tage undir unserm stat secrete a° etc. 31. 139. Ratmanne der stat Sweidnicz. (1431) Januar 22. Die Löwenberger bitten die Görlitzer um Hülfe. Görlitzer Stadtbibliothek, Briefsammlung 194. Unsere freuntliche dinst zcuvor. Erbaren, weisin hern, besundern liben freunde, wir thun ewch zeu wissen, das wir von unserin (!) merklichen und bestendigen freunden wor- hofticlichen an mere enden gewornet sein. Dieselben wornungen alle uber eyne treffen, wie das sich die argen vordampten ketzzer met backen und met anderer beretunge schicken, und meynen uns met 6 od. mit 700 pferden gentzlichen zeu berennen uff die rede, das unser landmanne und gebawren zeu uns nicht komen mochten, und wellen ere waene 1) u. dra- wanten eynen tag hinder en lassen, uff das sie ungewornet vor uns komen mochten, dorumb wir bethen ewer weisheit mit dinstlichem fleisse, er wellet uns eynen oder ezwene buchsen- meister, doruff wir uns gewegen mochten, wenne der unser , als er selbst wol wisset, bey ewch gelernet ist, das her uns wenig nuteze werden mochte, von stadan unvorczogenlichen senden, und ab er vornemen wordet, das sich die ketzzer zcu uns kerten, ewrn reisigen geczewge eylende czu uns schicken, u. keyn uns thut, als wir gen ewch gethan habin, noch thun wellen u. freuntlichen alle czeit vordinen. Auch vornemet er ichte von ewern spehen, das uns zeu wornunge komen mochte, das lat uns uff unser gelt an alles salviren wissen, wenne wir vornemen, das eyn hawffe kome vor Hirssberg, der ander vor die Cratzze in das lant, die uns belegen werden. Gebin under unser stat secret in die St. Vincencii. Doch hoffe wir zeu dem barmherczigen gote, ob sie sich villeichte des gefrustes trossten, sie sollen des nemen kleinen frommen u. wol von uns geletzzet werden. Burgermeister und ratmanne der stat Lewenberg. 140. 1) Wagen.