1426. 47 vormogen vnd denne mit vnsser gantczen macht mit wagen ete. zu retten, vnd auch so sullin die volge der czoge gescheen also bescheidenlichen, daz die reisegin beyde der lande vnd stete sullen gebruchen eres geldis vnd daz czeren vnd denne die fusgenger ye czene eynen wagen haben, doruffe sie ere speisse vnd notdurfft mogen gefuren, also das die land allenthalben von sulchen czogen vnbeschiediget blieben, ab ymant denne mit frevil zcu- griffe tete, den sullen die howptlewte also strofen lossin, daz eyn sulchir zcugreiffer landis vnd stete vorlassen lisse (sic), auch so sullen die howtlewte landis vnd stete freymarg lossin beschreyen. Die den herren zou furethen, die sal nymand leidigen noch beschedigen mit keynen zugriffen, vnd ab ymant sulchen zcufurren 1) keynen schaden tete, den sullen die howptlewte lossen strafin, also vorberoret ist. Auch, ab ymant aws den landen vnd steten dez egenannten furstenthum die vorgeschrebin sechs lande vnd stete mit nemen, brande adir mortbrande angreiffen vnd beschedigen welde weder recht, so globen wir obgenannten lanthmanne vnd rothmanne der egenannten fürstenthum Sweidnicz vnd Jawir sulchen beschedigern nicht zcu hawssen noch zeu hofen, noch keine furderunge zeu thun , sundern sie liber zcu hindern vnd uff zeu halden zeu dem rechten, vnd also herwieder globen wir sechss lande vnd stete die vorgenannten artikeln land vnd steten der furstenthum Sweyde- nicz vnd Jawir gancz vnd stete zcu halden an alles arg. Auch so ist begriffen in desen tedingen, ab vnsser allergnedigster herre der kunig von todes wegen do abeginge, daz got der almechtige lange wende, so globen wir obgenannten beiden teile, vns mit nicht lassen zeu scheiden noch zcu teylen mit keynerleye dro noch verterbnisse, sundern eynander getrewlichen helffen vnd rathen, also das wir vnssir hirschafft mit eintrechtigen rothe und mit gotis hulfe mogen erbeythen, auch ist dese eynunge also geschen uff vnssers allergne- digisten hern des romischen etc. kunigs wille, vnd wederruffen doch also mercklichen, das dese eynunge vnd vorbuntnisse stehen vnd weren sullen von dato disss brives uff den nehsten zcu kommenden sand Michelstag obir eyn gancz iar. Sulche obgeschreben puncte, stucke vnd artickel globen wir obgenannten lanthmanne vnd rothmanne gancz stete vnd vnvorbrochynlichen zeu halden bey unsserm guten trewen ane arg vnd argen eyntracht, das zeu bekenntnisse etc. Actum Lemberg quarta feria post visitationis Marie anno etc. XXVI. 1427 Sept. 29. (1426) Juli 7. Bischof Konrad berichtet seinem Bruder Konrad dem Kantner über die Situation. Königsb. Staats-Archiv. Schbl. VIII. No. 67. Als Beischluss eines Briefes Herzog Konrads an den Hochmeister vom 15. Juli 1426. Conrad von gotes gnaden bisschoff zu Breslaw &c. Hochgeborner furste, lieber bruder, wir thuen uch zuwissen, daz vns her Pothe 2), her Jon vom Oppatczen 3) vnd her Crusche enpoten haben, daz sie morgen hie bey vns seyn wellen, vnd daz die Meisse- nischen hern mit irer macht vnd mit hulffe der korfurste vnd ander irer frunde sich starck gesamelt haben vnd mit grosser macht ken Behemen geczogen seyn vnd itczund im lande zu Behemen legen, vnd die Thaborer seint vor in geweychen. So sameln sich die Preger 65. 1) Wohl richtiger zcufurern. 2) v. Czastolowicz. 3) Opoczno.