1433. 125 (1433 April 24.) Aus Sigismunds von der Leipe Bericht an den Hochmeister. Königsb. Staats-Archiv Schbl. LXIX. nr. 8. Orig. m. Siegel. — Awch alzo mir ewir gnoden befwyl, daz ich swlde selbir czushen, czo vor- schreybe ich no ewir gnode, wy ys sich czu dem yrschten mal anhwp vor dem weyzen furste 1), do ich quam czu dem irschten mal czu im gereten, do brocht ich ym eyn broyff von her Lodewges wegen. Und awch ewir gnoden mir befwyl czu dyrfaren, welch furst czu Palen trete ader in helffen worde, daz tet ich off eyn vorswchen, und sparch czu im : genedygir libir herre, weys ewer gnoden meynes homeyster gnoden icht czu warn von der fursten wegen, do teyt ir im groze lybe doran. Do sprach her : waz ich kan gethun durch meynes genedigen herns wylle, daz wyl ich gerne thun. Do hwp her an czu reden von der hwsir wegen, und ruffte Bwschke czu im, der horte czu, und sparch czu mir: syst du, dy hewssir habe ich vormolis meynen hern dem homeyster angeboten durch Bwschken, do waz im czu vorsmoen, nw byt ich dirsch awch an von dynes hern wegen. Und nam dy gebot off und reyt czu ewir gnoden und leyt ewir gnoden dy schachin vor, dy ewir gnoden wol vornomen habyt. Awch genedigir libir herre, auch hat mir meyn gnedir herre der byschoff gesagyt, daz ewir gnoden nich me vorschreybe durch herczege Kentner adir durch den weysen fursten, waz ewir gnoden vorschrybe, daz vorschrybe ewir gnoden im in leve2), daz wyl her ewir gnoden awch thun. Awch sprach her czu mir, daz ich swlde ewir gnoden sagen, waz her ewir gnoden swlde warn adir new czythunge swlde schryben adir inpyten, daz wyl meynes hern byschoffs gnoden gerne thun. Awch leyt her ewir gnoden sagen, daz ewir gnoden Bwschken und den botin nicht globin swllit, wen ys ist eytyl vor- retheschafft dor ze me(t) umbeghen. Awch leyt her ewir (gnoden) sagen, das dy keczir bey dem konige von Polen synt gewest und synt an ende geschedin von im. Daz mach ewir gnaden worhafftych globin, und hat mir gesagyt, daz in des von Teschin teyl legen und nemen off dy Polen, und habin gesprachin czu dem konige, welde her yn gelt gabin, ze welden im alzo lyp reytten, alzo im andirn. Und hat meynes herrn byschoffs gnoden me gesagit, daz sich ewir gnoden darff nicht besurgen, daz ir keyn heyr der keczir czu den Polen czwyt adir helffin wirt. Und habin sich ezweyt dy wezin und der alde Taboyr, und daz dy weysen habin obin gelen und seyn zo uneynys under den andiren bede zu Proge und den heyryn, as sy sent y gewest. Awch genedygyr libir herre, der rot von Breslaw leyt ewir gnoden iren underthenygen dinst sagen. Als ze derfwyrn, daz ich off dem thuum waz, do santte ze noch mir, do gynk ich czu in off daz rothws. Do rette ze myt mir von ewir gnode wege, und ich mit czu rede quam, und daz ichs ze bat, ab ze icht newir czey- tunge wossten, daz ze ewir gnoden vorschrebe. Do sporchen ze alczuhant, ze hetten darumbe noch mir gesant, ze welden ewren gnoden swlche heymlichkeyt schreybin, daz sich ewir gnoden wol dornoch czu reychten hette, und den breyff gobe ze mir, der geant- wort dem foytte, daz her jo wirt czu ewirn gnoden komen. Auch gnedigir libir herre, ich bette ewir gnoden, mir arm knecht und ewir gnoden trwer dyner ben und des ganczen 181. 1) Konrad der Weisse von Oels und Kosel. 2) Oder vielleicht lene?