1421. 7 lutes: den erbern und gar weisen herren burgermeister und ratmann zu Breslaw, iren besundern liben herren, erbfoyt und scheppen uf dem Smedewerke bey Hirsberg willigen dinst mit allem fleisse zuvor, erber weise lieben herren, uns ist zu wissen worden, wy ewer weise vorsichtikeit hat lan uffnemen in ewer stathaffte eynen furman Hannos Prosch- wicz von Trutenow (Trautenau), von dem wir ny anders erfaren noch erkant haben denn gut, auch sent vor uns komen die erbern und fromen hernach geschreben miteburger von Trutenow, und haben vor uns becant an eydes stat, wie der obgenante Hannus Prosch- wiczer sich fromelich und erbarlich in der stat mit in wonende gegen arm und reich in guter mitesamkeit habe gehalden, also das sie nye keyne unendilkeit von im haben erfaren. Hirumme bitten wir mit denselben hernachgeschrieben erbern leuthen von Trutenow ewer weise vorsichtikeit, als wir konnen mit allen fleisse, das ir geruchet anczusehen got, seyne werde mutter Maria und den vorbenanten Hannus Proczwicz gnediglich uslosset und frey czihen zu seynen kinden, wen im die hussen das seyne genomen haben mitenander, und ap ewer weise vorsichtikeit unser bete thun wurde. so globen Hermann Pfaffe kirchen- beter, Niclas Pfaffe scheppe, Hermann Menczil eldester, Asman Becke, Augustin Becke, Hannus Czarrer miteburger von Trutenow, Jost Becke vom Smedewerke, Kopperin, Hannus Molner und Hannus Holczschuch czeiger dis briefes vor eynen rechten ewigen orfrede, den ewer erbarkeit, dem rate, scheppen, gesworen, arm und reich der stat Breslaw und all der ewern stetiglich czubehalden. Gegeben am nehsten freytage vor Margarethe under unserm ingesigel. Uff sulche briefe, verschreibunge, bete und globde haben wir den vorgenanten Hansen Proschwiczer aws dem gefengnis gelossen uff eyn derfaren, dor auch vor sich selber globit hat vor orfeyde, und das er von des gefengnis wegen, dorynnen er gesessen hat, nymands hassen, ferden noch vordenken sol noch keynes argen wurten, mit worten noch mit werken dorumen nymand ausprechen noch anlangen geistlich noch werklich in keyne weise. (1421) Juli 15. Th. Mas' Bericht an den Hochmeister über die Kriegsrüstungen. Königsberger Staats-Archiv. Schbl. VIII. nr. 41. Orig. Pap. Reste des Siegels. Meinen demutigin phlichtigen getrawen dinst zuvor, grosmechtiger liebir gnadiger herre, ich thu ewern gnaden zu wissen, das also gestern erbar muntliche und briffliche botschafft bey meinen gnadigen herren dem bischoffe und gemeineclich allen fursten der Slesien von meinen herren den korfursten gekomen ist, die mancherley schreiben, das ewern gnaden zu lang zu irkundigen were, sundir beslissende, und entlich so wollen sie an allen vorczug in eygener personen als meine herren die erczebischoffe von Tryr und Käln, der phalezgrave vom Reyne mit vele andern fursten geistlich und werlich, groven und sechsunachczig reichstete macht uff sente Bartholomeus obent nehst zukumftig zu Egra in Behmen mechticlich seyn und also mit macht Missen, Slesien, Saxen, Brandenburg, Doringen, Maidburg und faste mer landen in das konigreich von Behmen czihn und den unglaubigen wicleffin und hussin käczerey czustoren, und meynen keynerleyweis aus Juli 14. Aug. 23. 11.