66 1428. April 18. din befelunge, und wenne myn herre bischoff nu bis sunttag hie czu Bresslaw seyn wirt, so wil ich im uwir gnadin briff antwertin. Ouch so hat man obirslagen, das sy kawme by xxiiii tawsint habin bose und gut mit weibern und haben ny keyne stad desir czoges mit werhafftiger hant gewunnen ane Wenige Glogaw, die andern habin sich nicht kein en gewert, sundir do seyn vil hofe yn der Slezie, do sie vorgewest seyn, die do besaczt woren, die habin sie vor en behaldin als Habirdorff, Petirswalde, Gnechewicz und ander hofe vil. Ouch so burnen sie nicht meher denne kirche, pfarhofe, der erbherrn gesese und kretschem. Gegeben zeu Bresslaw am freytage fru in der sebinden stunde. Uwir gnade gebite an mich als an Mertin Erenberg. uwern undirthenigen knecht uwir gnadin undirtheniger knecht 90. 1428 April 17. Die Görlitzer beglaubigen einen Gesandten zum Nürnberger Reichstage. Apr. 23. Aus Scultetus ann. Gorlicens. II. 83. Senatus Gorlicensis an die Curfürsten. Den erwirdigen in gote vetern, den irluchten hochgeborn fürsten vnd herren, h. Cunrad ertzbischoffe zu Mentz, h. Otten ertzbischoffe zu Trier, h. Dittherich ertzbischoffe zu Cöln etc., h. Ludwige bey Reyne etc. vnd her- zogen in Beyern, h. Friderichen herzogen zu Sachsen vnd marggrafen zu Miessen, h. Fredriche marggrafen zu Brandenburg etc. vnd burggr. zu Nurenberg, alle des h. romischen reichs kurfürsten, vnsern gnedigen lieben herren ader irer g. rothen, dy zu Nürenberg an sand Jorgen tag uff dem tage bey einander sein werden, entpieten wir bürger- meister vnd ratman der stad Gorlitz etc. Erenwirdige etc., mit demutigem fleisse bitten wir e. g. zu wissen, das wir zu e. g. senden den erbarn Mathis Geyzeler, vnsern eidge- nossen, von sulcher anefechtunge, schaden vnd obirzogis der vordampten ketzer. Nach- dem als wir von vnsern g. h. den fursten in der Slesia vnd andern vnsern frunden tegelich gewarnet werden, und auch von sulches geldes wegen, als denn von dem erwürdigsten vnserm gnedigsten herren h. dem cardinali vnd e. g. uff dem tage zu Franckenfurth geroti- slagit wurden ist, vnsern gebrechen vnd vorterbin von obirzoges wegen der ketzer dorinn allir sachen an e. g. zubrengin vnd zu sagen von vnsern wegin, eigentlich vnderrichten etc., bitten wir e. fürstl. g. mit vntertenigem vnd demüttigem vleisse, sulches seines gewerb vnd botschafft von vnsern wegin von im gnediglich vffzunemen, zu verhoren, vnd vns gnediglich doründer zu besurgen etc., das wir von den vorzweiffelten ketzern so jemmerlich nicht obirzogen noch vorterbit werden etc. Gebin zu Gorlitz am sunabunde vor dem suntage, als man in der heil. kirche gotes singet misericordias domini. Einschluss. Idem ad ali- quam civitatem. Vnser willige dinste etc. Ersame wolweisen etc. Also wir denn e. ers. w. sulche scheden, betrügnisse vnd vorterben der landt in der Slesia, in dem nehsten, als wir euch geschrebin habin, vorbrocht vnd irzalt habin , vnd sünderlichen ewr ers. früntschafft vmb hülffe vnd rettunge etc. umb sulchis obirzogs wille, den die verstockten ketzer uff diese lande, vnd besunder uff etc. Gorlitz willin habin zu thun etc., also geruhe wir e. w. zu wissen, dass dieselben ketzer nach sulchir zeitunge, die wir haben, sint sie in der Slesia gehirscht haben, achzehen gemawerte stete vorterbit haben mit dem nahmen also genant,