142 1434. 1435. Mai 31. Canth, die vormols die Behemen von en genomen und ufgehaben haben, und sundirlich wes sie zurate wurden noch notdorft der beczalunge und anslege setczten uff dye genanten stete, adir uff darffer adir gutter, uff dem die Behemen nicht gedinge gehabt haben, eyn gelt zunemen und zu heben, das sollen sie gancze macht haben. Wir haben en auch gancze macht gegeben uff andirn unsern guttirn , die in die obgenanten weichbilden nicht gehoren, als die hofrichtereye und plegen Breslaw, Legnicz, Preychaw, und sundirlich zu Vyasd 1), dos dy do sullen und mogen zu der notdurft sulcher beczalunge seczen und nemen off die hube eyne halbe mark und sundirlich off molen, vorwerken, gerten und andern gutter noch eren wirden setczin, als man das denne zurathe wirt, dorczu so gaben wir zu hulffe den obgenannten unsern landlewten und steten von unser geistlichkeit wegen eyne contribucio adir zwe und also vil, als notdorft seyn wirt, die wir mit rathe unsers capetils setczin wellen in dem grosen capitil, das man habin wirt Cancii Cancianorum, doroff dye obgenante unsere manschaft und stete vor das gelt globit und die schuld uff sich genomen haben, zu bezalen nach laute der briwe dorobir gegabin. Und dovon so haben wir en gegaben volle gancze macht un gaben en die mit kraft dis briwes, ab sich ymand der unser in diesen benannten guttern, wo die gelegen weren, dowedir setczin, sulch gedinge, anslege adir andere ordenunge, die si gemacht und geton hetten, nicht haldin adir beczalen welden, den sollen und mogen sie betwingen und dorczu brengen, als sie das czurate werden, do unser hawtlewte, howerichtir und andere amptlewte, in welchen wirden die seint, en dorczu helfen sullen, wenne sie das von en begern. Dasselbe zuthun unsern amptlewten obge- nanten, die iczint seint adir yn czeiten werden mögen, gebiten alse dicke, als sie des begeren und notdorft seyn wirt. Wir glouben ouch mit sampt den herren des capitils obgenand den egenanten unsern lieben getrawen, mannen und steten in den obgeschreben sachen keynirleye hindirnisse, infelle noch ofezoge zu thun noch zu machen mit keynirley gebote, adir wi man das irdenken mochte, sundir das sie geruhet und ungehindirt von uns, unsirm capitil und nochkommendem bischoffe und sust andirn allen unsern amechtlewten, sie seint geistlich adir wertlich, ungehindert sollen bleiben also lange, bis das sie sich solches geldis und globte gancz geledigit, gefreyet worden und beczalet haben von den genannten unsern guttern und darzu alle dye schaden, die do moglich doroff gegangen weren. Gegaben zu Breslaw an sante Johannis tage des ewangelisten in den weynacht heiligen tagen noch Crists geborte vierczenhundirt yor yn dem fumff und dreysigsten jore under unserin und unsers genanten capitels grosten ingesigeln. 206. (1435.) Abgedr. in der schles. Zeitschr. V. 150. Das Breslauer Domkapitel entschuldigt sich gegenüber dem dortigen Rathe wegen seines Widerstandes gegen den Plan der Schleifung des von den Hussiten zurückgewon- nenen Schlosses Ottmachau. 1) Ujest.