1422. 19 (1422) Apr. 25. Bericht an den Hochmeister. Königsb. Staats-Archiv Schbl. XXII. nr. 50. Orig. mit Spuren des Siegels. Erwirdiger und gnediger liber herre, geruchet czu wissen, daz am sonobende noch ostern unser herre der konig noch ist gewest czu Merhern und leyt ezu felde vor dem hawse Steynicz ader Ostrow genant, und vor demselbegen slosse hot der konig gebawet eyn gar grose basteye, und dy koniginne leyt mit ym czu felde, und am dinstage noch quasimodogeniti czog herczog Sigmunt durch dy Slezie vor Auswicz und vor Teschin mit 21/2 tausend pherden und nicht me, und herczog Bolko von Teschin sag, daz sy vor sein stat und vor sein slos czagen, her hette ungerne eyn pherd weder sy gesatelt, noch kein polenisch furste, und alzo sint sy ungehyndert gekomen kegen Merhern, got weis, wo sy nu sein. Got gebe, daz sy nicht enczyen und treiben unsern herren den konig von dem felde etc. Item am sontage noch quasimodogeniti sulde der herczog von Ostreich komen czu dem konige mit 4000 pherden und sal in nemen daz lant czu Merhern. Item herczog Rumpolt der czewt kegen Polen czu dem konige von Polen in botschaft, adir ich besorge, is sey umsust, item so czewt mit herczog Rumpalten eyn doctor meyster Martinus genant, und derselbige doctor kumpt newelich von Rome, denselbegen doctor hot der bobest bollen gegeben und vil botschaft befolen an den koning van Bolen und an den herezog Wittolt, und derselbege doctor wirt auch czu euch in daz lant czu Prusen komen, und der wirt euch gar vil sagen von den gescheffetten, waz der bobest treibet etc. Item der tag czu Regensborg, der geet czu, ader her ist vorczogen drey wochen noch phyngesten, und do hot der konig willen an allen czweyvil bey czu seyn. Item so wisset vorwor, daz unser herre der konig iczezunt alz uf den santag noch quasimodogeniti wol 30000 ader 40000 gebawer gereit aws Ungern vor dem hawse Steinicz genant, und hot wol 10000 reitende, an waz der herczog von Osterreich wirt haben. Item an allen ezweyfel, zo komen dy kurfursten mit groser macht, alz ich den auch ewern gnaden vormols geschreben hab. Item so hore ich sagen, daz dy Polen sich aber sammeln, und meynen uf euch und uf ewern orden czyen noch Margarethe etc., item gnediger herre wil ewer gnode icht ent- piten unserm herren dem konig, daz moget ir mir thuen, wen ich noch czu Breslow mus bleyben bis czu phyngesten, und mag nicht czu meynem herren gekomen durch groses unfredis wille, went is leyder gar obel steet in Merhern und in Behemen, und wirt y lenger y erger, got und gute lewte wedersteen is denne. Item so wisset, daz dy erbern lewte aws Pylezener creyse ezu Behemen legen vor eynem hawse, Swanenberg genant und thuen alz gute vrome lewte und hoffen, sy werden den bozen ketczer Syszka und seyn helfer do gewynnen und vorbornen. Item dy herren und stete czu deutczen landen, dy komen auch mit groser macht weder dy keczczer. Item der legatus ist iczezunt am Reyne und vormanet alle werlt weder dy keczczer, und man wirt mit groser macht weder dy keczczer seyn; hyrynne seyt im rathe und wolbedocht. Ich weis nicht anders, den daz der konig von Polan und dy seynen harren und beyten, ap is dem herezog Sigmund wurd wol geen, daz got weder wende, zo welden sy uf den orden czyen. Und dez konigs von Polan meynunge ist, das her weder den cristen gelowben und weder dy heylige kirche nicht welle thuen, Apr. 18. Apr. 21. Apr. 26. Apr. 26. Juli 13. Mai 31. 29. 3'