1433. 129 Crocaw, do haben sie dem konige eyn clostir awsgebranth und stete awsgenomen, also Skawina, Slokaw und andir stete, und von Crocaw wart en awsgegaben fumfezig gemestir ochsin, drei hundirt zeiten fleises, an bir, brot und zalcz, also wir des undirricht seyn, und was wir andir sachin dirfaren, wellen wir uch vorschreiben also unserm herren und frund. Gegeben zur Olsin am dornstage noch dem sontage jubilate ilende. Conrad der weisse, von gots gnaden herczug in Slesien, zur Olsin und Kosil. (1433 Mai 20.) Bericht der Görlitzer an Thimo v. Kolditz. Scultetus ann. Gorlicens. II. 113. Senatus Gorlicensis dem edlen Thimon von Colditz, vorwesern der lande vnd stete Budissin, Gorliz etc., vnserm besundern gönner. Wir thun uch zu wissen, das wir wor- hafftige botschafft habin, das die katzer by Büten1) obir die Oder kommen sein vnd ouch, das die von Bresslaw der kätzer von Nymtschs etwas dirnedir gelegit habin. Nu wist ir wol von sulcher fehde zwischen vns vnd Jorge von Redern zu Kuntzindorff gelegin, bitten wir uwer edilkeit mit besunderm vleisse, ir wollet als bis morne alhy by vns sein, wenn wir dy vnd ander sachin, di vor vnsers allergn. h. des koniges land vnd stat ist, vnd uwer amecht anlangen, meynen mit uch zuvorhandeln vnd ratis dorobir werden, der wir uch nicht entpitin noch geschreibin mogen, vnd wellit vns der bethe nicht vorsagin, noch kein ander gescheffte lossin benemen etc. Geben in der mitwochen in vigilia ascensionis. 186. (1433 Mai 26.) Joh. Scolym berichtet an den Hochmeister. Königsberger Staatsarchiv, Schbl. VIII. nr. 95 Orig. mit Spuren des Siegels, der Beischluss oben aufgeklebt. Meynen willigen dinst czuvor, ersamer erwirdiger unde grosmechtiger liebir genediger herre, ich thu euwern genoden czu wissen, wy das also gesterne unde heute achtage der wey-Mai 18 u. 19. sen her, dy do kurczlich dofor vor Francford zeyn gewesen, nedenwig Grosglogow III meylen czu Beuten genant obir dy Odir gesatcz habin mit hulfe herczog Heyrichs unde Schaf- rencz, der do houptman ist von des koniges van Polan also von zeiner swester tochtir kindir wegen, die der von The(s)chen gehat hot, unde do hot derselbe Schefrancz unde her Peter Cordebug dyselben ketter uffgenomen von des koniges wegen, unde haben offentlich geworben, das der konig welle en helfen wedir eynen idirman nymandes wesge- nomen, also das sich dyselben ketczer mit dem konige geeynt haben, das en der konig sol gebin uff den spis XII grossen unde alle notdroft unde stet en vor den schaden von der crippen czu der crippen unde alle gefangen halb etc. Unde dyzelben bosen leute sint kume VII thusent unde sint obil gereten, unde dy fperd sterben en zere, und sloen itczunt grosen schaden uff den konig, dy von Gnysen2) musen en gebin hundirt par schu, dy von 3) czwey hundirt par, von Kosten hundirt par, das ist nicht wondir, sy habin fil barfuser brudir undir en, unde ouch so legen dyselben weysen herezog Heyrich von Glogow in zeynem 187. 1) Beuthen a/0. 2) Gnesen. 3) Ein Name scheint ausgelassen. VI. 17