1421. 15 Hanns von Polentz mit aller irer macht ; wy starg dy sein, das können wir euch nicht eyentlich vorschreiben, sundir wir mögin nicht dirkennen, das irne ein hauffe sterker sey denn der vnser, vnd vnser herre hertzog Rympold, vnser voyt vnd wir werden haben den vorzog vbir das gebirge vorbas uff dy ketzer, als wir nicht anders wissen, morne des nehsten tages in sülcher weyse, als an vns kommen ist, das der bischoff von Olmuntz etz- wen zum Lewtemyschel (Leitomischl) vnde der Pypo brengen 24 thusunnt pferde vnde werden sehen uff vns vnde wir uff sy. Aber nicht werden wir seyn mittenander in eyme hawfen in dem velde, sunder 4 meylin vonenander, das eyn teil dem andern, als is not wurde sein, zu hülffe mochte kommen etc. Hirumme, liben herren, wir ouch itzund vormals zwir geschrebin han vmme zerunge, ist vns von euch nicht antwert worden etc. Beten wir euch noch mit sunderlichem fleysse, das ir doran gedencket vnde das wellet ansehen vnde dirkennen, das wir eynen grossen hauffen haben vnde grosse zerunge tragen, vnde vns sendet zerunge, der wir gros notdürfftig sein, itzund sunderlich vbir das gebirge in der vinde land etc. Wenn herzog Lodewig vnde herzog Johann von Sagan nicht kommen sein. Wir ir vns senden welt, das moget ir mit en lossen durchgehen etc. Ouch als wir euch geschrebin haben, das wir haben vffge- nommen von Petir Hulferich 10 marg vnd von Hannus Belbenitz von der Sweydenitz 27 mark groschen, das richtet en zu dancke, wenn wir haben sein wedir groschen noch heller. Ouch, lieben herren, habet doruff gedancken uff dy losunge, wenn die vier wochen ausskommen, das ir den gesellen losunge sendet, sy sprechen, sy wellen losunge haben etc. nemen grossen schaden an dem eren do heyme. Ouch, liben herren, bethe ich euch als von mir Herman Schultz, das ir eynen andern schaffet 1), der do kommen wolde nach den vier wochen, wenn ich kan ir vorbass nicht mehr vorwesen, vnd ist mir nicht eben. Ouch, lieben herren, ist gerett, das vnser g. h. der konig komme mit 3 hawffen, in dem mittelsten sulle her selber in eygener person kommen, vnd dy von Osterreich haben das frowlein heymgefurt vnd kommen auch starck mit gantzer macht etc. Geben im felde zn Sweydelndorff no bei Glotz an sente Burghardes obende vnder Herman Schultzen petschet. Postscriptum. Iidem ad eundem sign. Ewer botschafft, die ir vns getan hat, als mit zerunge vnd mit speise, dy ist vns wol notdürfftig vnd sünderlich zu dancke. Abir den briff, den wir euch hatten gesant, dem boten quam Nickelchin vndir awgen, der korte wedir, denselben brif senden wir euch wedir etc. Sundir hüte zyn wir von Mittenwalde vbir das gebirge zu den vinden. Got gebe, das is vns gelücke. Am sonabend uff den abend als wir quomen uff den abend, hatten die ketzer bey Mittenwalde uff dem gebirge besatzt ir warten mit den gebawren, dy drungen dy unsern mit were dovon. Dry schlugen sy tot, dry haben sy ir gebrant. Etzliche aus den behmischen herren weldin wol wedir- keren, welde man sy uffnemen. Auch als die vnsern am suntage dy wege uff dem geberge uffrewmeten, quam eyner gereten vnd vrogtte noch dem von Santbach. Sprach der vnser eyne : Ich wil dich zu em füren, vnd furte en zu Wolfart von Rathelaw. Sprach der ketzer: liber herre, mein h. hat mich zu euch gesant, das ir das gebirge innehald vnde Oct. 11 Oct. 12. 1) Bei Scultetus steht irrthümlich schaffer.