1428. 75 an mich nicht handeln, also das ich mit en reyten muss, dornoch wil ich gerne kommen. Auch wist ir wol, das uch mein h. der konig geschriben u. bevolen hat, wene ich euch setzet an meyner stat, dem sollet ir gehorsam sein als mir selbir, wie ofte u. wie dicke mir das noch geschee. Nu habe ich uch meynen sone Tymo v. Colditez an meyner stat gelossen, dörffet ir des, der sol gerne zu uch kommen u. sol uch helfen u. rathen u. noch uwern rath halden. Auch sende ich uch hir briefe, die mir mein h. der bischof Conrad so vorher gesetczt etc., das ich nicht itzund zu uch komme, u. moget das selber wol irken- nen, wenn uns die kätczer also gestern im weichbilde zu Hirsberg mit dem resigen gezuge abir beschediget haben, und uns kompt vmmer (?) botschaft, das sie uns wider nahen. Darumb, liben frunde, seyt meynem sone gehorsam, als uch das mein her geschreben hat etc., und würde uch dorübir icht brüchig, das schreibet mir, so wil ichs gerne wandeln. Gegeben zu der Sweidenitz an der mitwochen noch Margarete. 1428 August 22. Aus einem Briefe des Grossfürsten Witold an den Hochmeister. Königsberger Staats-Archiv. Schbl. XVII. nr. 42. Orig. Pap. mit Spuren des Siegels. Alexander alias Witawd von gotis gnaden grosfurste czu Lithauwen etc. Erwirdiger — Item von dem czoge us dutschen landen ken Behemen, lieber herre meister. als ir schreibt, das ir nichts woraftiges wisset etc. Wir hören ouch keyns, das czu schrei- ben wert were, alleyne gehen hie vorende czeitunge, wie das hwss Czobotemberg in Slesien, das die hussen gewunnen und bemannit hattin, die Slesier, als die Breslawer und Sweidniczer hatten ummelagen und ernstlich dorczu gethan habin, also das die hussen doruff nicht blei- bin möchten und sich von dannen abegeteidinget habin, und die slesische furste eynen bei- frede bis czu sint Michaelis mit den hussen hatten uff genamen. etc. Geben uff unser hwsse Lithauwschen Nowogrodke am sontage octave assumptionis Marie. anno etc. XXVIII°. Sept. 29. 102. 1428 August 221). 103. Bischof Konrad bittet Albrecht von Kolditz um Hilfe zur Wiedereroberung von Mährisch-Ostrau. Scultetus annales Gorlicens. II. 79b. Cunrad von Gotes gn. bischoff zu Bresslaw den edeln, strengen, woltüchtigen, erbarn vnd weisen herrn, Albrecht von Colditz etc., mann vnd steten der furstenthü- mer Sweidnitz vnd Jawer etc. Als wir denn euch nu nehste geschrebin habin, wie die kätzer von der Oder vnd von ander posatken von Meherrn itzund die Ostra ingenommen vnd besatzt habin vnd die eins theils gefestend vnd mit macht festen wollen, so thun wir euch zue wissen, das hewte vnsir brudir der weisse zu vns gesant hat, etc. das hertzog Przymko von Troppaw, die von Ratibor 2), herzog Bolcko von Teschen, herzog Kazymir vnd her Cunradus albus gestern auszgezogen sent, rockende vor die Ostra, in ein sulchs zu weren vnd zu stören etc. vns vnd andern fürsten, land vnd steten anruffend vmb hulfle in zu thun vnd zu senden. Dovon so bitten wir euch etc. Gebin zu Othmachaw am sonntage vor Bartholomei in der dritten stunde des nachts. 1) Einschluss des folgenden Briefes. 2) Die Herzogin Wittwe, Helena. 10*