78 1428. 1429. (1428 December 29.) Konrad von Nimptsch fordert die Löwenberger zum Zuzug auf. Scultetus ann. Gorlicens. II. 88. Ich Cunrad Nimptze, ritter, mit andern rittern vnd knechten, die itzund mit mir sein zu der Sweidnitz, vnd wir ratman daselbst entbitten vnsern fruntlichen gruss den gestren- gen woltochtigen, erbern vnd weisen mannen der stat vnd des weichbildes zue Lemberg ete. Wir thun euch wissen, das er Stotsche, vnser vndirhouptman, mit andern rittern vnd knechten vnd steten, also viel der bey ym gewest ist, gedrungen sein worden kegin Glotz in die stad vnd haben must das feld rümen vnd haben io etwas schaden genommen, adir nicht gross, vnd noch heutis tagen kegen den kätzern ligen. Darumb, lieben fründe, wir bitten vnd dirmanen euch vmb gotes willen durch des cristlichen glauben willen, das ein yderman, her sey iung adir alt, arm adir reich, also her gesessen ist, von stund an ouf sey vnd alle gebawer mit waynen vnd speise ouf 4 wochen mitenemen, vnd wollen vns allhie zu der Sweidnitz samlen vnd vorbass zu en in das feld rocken etc., vnd ny also grose not gethan hat also itzund. Vnd wer nu nicht qweme, den wolden wir halden vor einen vind vnd ketzer etc. Ouch haben wir besant vnsern hern, den bischoff, andir furstin, die von Bretzlaw, vnd wissen anders nicht, vnser h., herzog Lodwig, komet selbir morne zu vns. Gegeben vnder ern Cunrad Nimptze vnd der stat Swidnitz ingesigel an der mitt- woch nach weihenachten. 108. 1429 Januar 11. 109. Die Strehlener antworten ihrem Hauptmann in Betreff der ihnen zugemutheten neuen Rüstungen. Liegnitzer Stadt-Archiv 329 a. (267b.) Orig., dessen S. verloren. Dem erbern und woltuchtigen Heincze Reydeburg zu Rosenaw gesessin, howptman zu Strelin unssirm lieben gwonnern und forderern etc. Unssirn frundlichen dinst, erbarer und woltuchtiger liebir err howptmann. Als ir uns geschreben habit von etlichem statgereyte also von buchzin, pwlffer, gelote 2), armbroste, pfeyle etc., lossen wir euch wissen, das wir keyn gewere der stat inne nichten haben, wenne das alles verloren wart in der irsten zukunft der sneden ketczir 3), die der stat harnisch und gewer zu nichte gemacht und brocht haben, sundire pfeyle und gelote haben wir hindir uns in der stat gelossin, wo die blebin sind, das kwnnen wir nicht gewissen, auch so haben wir eyn wenig pulffer und vier pischezaln mit uns weg brocht, die wir hewir uff eyn news der stat geczeuget hatten, und haben die wedir must gelozin, uff das das wir ander schuldige von der stat wegen haben must bezalin. Auch liebir her howptmann, als ir uns schreybit, wie wir arm und reich vorbottin suldin, das sich ydemann zu dem seyn haldin sulde und wir mete, dovore ir uns sichirt und globit leybes und gutis sichere, des wir euch genczlichen und folkomlichen glewben. Idach so haben wir vornomen, das uns armen leuthen unssir gut und habe aus unssirn hewssirn genomen ist und noch genomen wirt, bethin wir euch liebir herre, eyn sulchs nicht gestatin wellit, wenne wir armen leuthe sust schadin und vorloste gnug empfangen hetten, und wurde denne 1) Löwenberg. 2) Blei zu Kugeln. 3) Im J. 1428.