1433. 131 1433 Juni 10. 189. Geleitsbrief für die Schlesier zu den Friedensverhandlungen der Baseler Gesandten in Prag. Bresl. Stadt-Archiv, Paritius III, 23. Transsumt des Abts Jodocus vom Sandstifte. 1433 Juni 17. Nos capitanei exercituum, barones, nobiles, Praga civitas, milites, clientes, civitates ac communitates regni Boemie et marchionatus Moravie veritatibus evangelicis adherentes recognoscimus universis per presentes, quod cum venerabiles patres domini ambasiatores a venerando concilio Basiliensi ad congregationem nostram generalem in civitate Pragensi, que nunc ibidem celebratur, directi et destinati reverendum in Christo patrem et dominum Conradum episcopum Wratislaviensem necnon eandem civitatem Wratislaviensem ac ducatus et communitates Svidnicenses et Jaurenses ex parte eiusdem concilii et sua requi- sierint rogantes, quatenus suos ad dictam congregationem dignarentur mittere ambasiatores, qui ad continuandum et feliciter annuente domino concludendum tractatus inter nos inceptos consilio, auxilio et favore assisterent, nosque rogaverunt, quatenus ambasiatoribus ab eis- dem mittendis de sufficienti securitate veniendi, standi, morandi et redeundi providere vellemus; ideo nos, qui in desiderio habemus, bene inceptos tractatus unitatis et pacis ad optatum devenire profectum, ambasiatoribus prefati episcopi Wratislaviensis necnon civi- tatis eiusdem ac etiam ducatuum et communitatum Swidnicensis et Jaurensis prescriptarum civitatum ab uno usque ad numerum quadraginta personarum et totidem equorum, cuius- cunque status ecclesiastici vel secularis gradus aut conditionis existant, infra hinc et festum beati Michaelis archangeli proxime futurum plenum, liberum, bonum, christianum et securum salvum conductum veniendi, standi et ad propria redeundi damus et concedimus insuper volentes, quod idem ambasiatores cum suis familiaribus et nuntiis simili gaudent libertate, securitate et salvo conductu, qualem memorati venerandi concilii oratoribus similiter sub sigillo regni nostri concessimus etiam absque prejudicio ambasiatorum prefati concilii, ac eorum, qui secum veniunt, et sui salvi conductus, quem quoad numerum sibi concessum aut alias per hoc restringere aut infirmare nequaquam intendimus, sed in suo robore et tenore permanere bona fide promittentes. Ceterum in bona fide promittimus, quod dictum salvum conductum cum omnibus suis clausulis, punctis, articulis et toto suo tenore integre, fideliter et inviolabiliter servabimus et ab omnibus nostris adheren- tibus et quibuslibet aliis, qui in hac parte nostre voluntati voluerint consentire, observari faciemus neque contraveniendum neque contraveniri a quoquam procurabimus directe vel indirecte, manifeste vel occulte quovis quesito colore, nihilominus adicientes, quod eosdem ambasiatores et nuntios cum ipsorum familia, rebus et bonis, que secum ferre decreverunt, in Bludaw aut in novo castro in nostram protectionem et firmam custodiam favorabiliter recipiemus et usque ad civitatem Pragensem salvos et securos perducemus. Et postquam ad propria redire voluerint, mox ut requisiti per eosdem nuntios fuerimus, ipsos infra quat- tuor dies immediate sequentes se ad locum predictum cum familia et rebus ipsorum salvos et securos sine contradictione, offensa, iniuria et impedimento nostris aut cuiuscunque alte- rius reducemus. Quare mandamus omnibus et singulis nostris subditis, amicis, benivolis et adherentibus, divitibus et pauperibus, quocunque nomine censeantur, nullo excepto, quod ambasiatores dictorum domini episcopi Vratislaviensis ac ducatum et communitatum 17* Sept. 29.