1429. 79 eyn sulchs obir uns vorhangen, so wusten wir nicht, wie wir eyn sottens vornemen sulden. Auch tuen wir euwir irwirkeit zu wissen, das eyns teyles arm und reich und gesworn nicht bey uns sind und eyner hie und der andire do ist etc. Und also euch denne auch wol wis- sentlichen mag seyn, das das lant und stat Strelin zu macht und zu handen stet des ernwir- digen in gote vater und hern hern Cunrads bischoff zu Breslaw etc. und zu den hochge- born fursten und hern herczog Przymken zu Troppaw und herczog Ruprechts hern zu Lobin czwischin hie und sinte Jorgentag nehste zukunftig in eyner gute. Nu sind wir undirricht wurden, das der erwirdige unssir herre der bischoff kurcz zu Breslaw seyn wirt, vor des gnade wir komen wellin, also vil als unssir noch bie ist, und was uns denne seyne gnade in dezin sachin undirweist zu tuen, das dorinne wellin wir tuen, doran wir recht tuen, das ymand icht gedenken odir sprechin sulde, das wir von eygener macht ichtis zu dezin sachen tuen welden, und bethin uns hierynne nicht zuvormerken. Gebin zu Breslaw am dinstag noch epyphanie anno etc. domini XXIX mo, gebin undir eyme andern segil, wenne wir der stat segil uff dicz mall bey uns nichten hatten etc. Elsten und gesworn der stat Strelin also vil ir uff dicz malle dobey gewest ist. Apr. 23. 1429 Januar 23. Bündniss der Schlesier mit den sächsisch-thüringischen Fürsten und den Sechsstädten. Aus dem Orig. im Görlitzer Stadtarchive 255/204 mit den Siegeln des Herzogs und des Landgrafen. Abgedruckt bei Anton, diplomat. Beiträge S. 212. In gotes namen amen. Czu lobe vnd ere dem almechtigen gote, siner werden muter, der hymmelkoniginnen Marien, czu sterkunge dem heiligen cristenglouben vnd allen cristengloubigen, die in dissen enden von den vordampten kezczern zeu Behemen mit morde, brande, zcustorunge vil kirchen vnd mit roube gruszamlichen vorgeweldiget vnd hertlichin benotiget werden, zeu troste vnd zou dinste dem allerdurchluchtigistem fursten vnd herren hern Sigemunde, romischen konige, zeu allenzcyten merer des rychs etc. vnd zcu Behemen konige, vnserm gnedigisten lieben herren, haben wir von gotes gnaden Friderich, herczoge zeu Sachsen, vnd Friderich, lantgrave in Doringen vnd maregrave zeu Missen, vor eynen man an einem teile mit den hochgebornen fursten ern Conrade, bischove zeu Bresslaw, hern Lodewige zcum Brige, hern Johanse zcum Sagan, hern Conrade Cen- thener, hern Conrade dem wiszin, gebrudern zcur Olszen vnd zeur Cosle, herrn Ruprechte vnd hern Lodewige, gebrudern zeu Lobin vnd zeur Olen, herzogen in Slesien, vnd den edeln gestrengen, tuchtigen vnd wolwiesen ern Boten von Czschastolawitz, landen, mannen vnd steten der furstenthume Breszlaw, Swynicz vnd Jauwer vor einen man am andern teile eine einunge vnd vorbuntenisze, eynander getruwelichen zou helffen vnd zu raten widder die vorgenanten keczezere zcu Behemen vnd ire volleist begriffen, beteidinget vnd gemacht, eynen vnd vorbinden vns in craft disses brives vnd von datum disses brieves vnd von dissem nestkomenden sente Jorgentage uber eyn gancz jar vnsers gnedigisten hern des romischen etc. koniges vnsern landen vnd luten an beiden teilen zeu beschuczczunge vnd zeu beschermunge vnd die in fride vnd in gemach zeu brengen vor yn mit der hulffe gotes des almechtigen, noch unserm besten vormogen, also nemelichin : weres, da got vor sie der Apr. 29. 110.