126 1433. April 14. ordens, und mir nicht abe leyt keyn den botten, dy des wyssen fursten hotten sen, adir kome umme meyne ere. Nw gnedigir libir herre, shet meyn armen getrwen dinst an, und ich kunde ir keyn heymlichkeit dirfaren, daz daz ordens best were ezu tage adir czu nacht, dy welle ich ewir gnoden vorschreybin adir inpytten an swmen. Awch genedigir libir herre, ich bette ewir gnoden alzo meynen libin hern, daz ewir gnoden wol tut mir arm knecht, und ich in ewirn dinst gemwyt, zo habe geborgyt 2 schok von Felypcz von Law von Torn und IIII marg von eynen bedirmane von Breslaw, daz ewir gnode welde reychten, daz welle ich ewir gnoden danken und dyner dorumbe seyn den tag, den ich umir lebe, wen vorterbyt beyn in den grunt von der keczir wege. Auch genedigir libin herre, herczik Heynrych und herezik Hans, dy bede bruder synt czu dem konige von Polen gereten den nesten dynstac noch ostirn, ader waz ze vor haben, do kan ich ewirn gnoden nicht von vorschreyben. Gegabin czu Konygysberg am neste freytage noch Segemunt von der Leype, ewir underthegir dynener. Georgy etc. Und auch genedig libir herre, ich bette ewir gnaden alzo meyn gnedigen libin hern, daz mich ewir gnoden vorantwort alzo vor ewirn dyner keyn Bwschken und Heynczy- ken, und ich wil legen czu Breslaw. Waz ich dene kan heymlichkeyt dirfaren, und wyl ich, ab got wyl, wol thuen, und daz wyl ewir gnaden vorschreibin an swmen etc. März 22. (1433) April 28. Bericht des Bischof Konrad an den Hochmeister. Königsberger Staatsarchiv, Schbl. VIII. No. 20. Hochwirdiger etc., ewer libe lossen wir wissen vor newe czeitunge lewfte desir lande: czum irsten, als vns herezog Przemko hat geschrebin, do die Thaborer herabe von Behemen nu vmbe metefasten nestevorgangen in die Slezie komen woren, do czogen sie antrichtes herczoge Niclase von Ratibor in das land, vnd doselbist habin sie im vnd seinen mannen wol bey drey hundert teyche abegelossen, ir höfe vnd festen vnd faste dorffer verbrant vnd sust vil schadens doselbist im lande geton, vnd an demselbin czoge habin sie Reibnik 1) die festen besaczt, von dannen czogen sie herezoge Bernharde 2) in das land vnd habin do ouch geheeret, sunder sie kereten weder in herczog Niclas land vnd logen do vmbe den Sar3), vnd dornach legerten sie sich vor die Plessen vnd logen dovor etliche tage und meyn- ten doselbist vmme zubeharren, bis das der frede mit der von Teschin4) awsgeen würde, die welden sie denn ouch obir czien, vnd von dannen hatten sie willen sich kein der Oder zufügen vnd dieselbin ynnemen vnd forbas vff herczog Przemken sich zuwenden. Sunder als vns herczog Bernhard schreibet, das sie worhaftiglichen kein Czips in das land czien vnd bey namen durch das konigreich von Polan als vor die Landiscron vnd die Weliczke, vnd eyn ander der schreibt ouch, das sie doselbist hen czien vnd legen czwu meyle von Crokaw, adir die Ungarn die wellin sich wedir sie setzin vnd wellin sie hen nicht lossen. Vnd rede geet, der konig von Polan denselbin ketczern dirlewbet hat durch sein konigreich zu czien vnd das ire leger zu habin vff der geistlichen güttern, wenn sie mit dem konige getagt habin vnd mit 182. 1) Rybnik. 2) von Oppeln-Falkenberg. 3) Sohrau. 4) Ofka (Eufemia), Wittwe des im Anfange d. J. 1433 gestorbenen H. Bolko.