34 1423. vorgeschrebene büntnisse vnd ewige stete vnd feste zu halden vnd zu handhoben etc. Vnd wir Conrad, bischoff zu Bresslaw, fürsten, hirren, lande, stete, ritter vnd knechte vor- geschreben globen bey vnsern trawen vnd eren, die vorgenante vorbüntnisse stete vnd feste zu halden. 47. Jan. 23. 1423 Jan. 28. Bericht des Ordensmarschalls an den Kaiser, der vor den Anschlägen der Polen gewarnt wird. Königsb. Staats-Archiv. Schbl. XXII. nr. 28. Orig. auf Papier. Scholdige willige dienste mit demuttiger bevelunge czuvor. Allerdurchluchtigiste furste und allirgnedigster herre, als ich ewern koniglichen gnaden vorbracht habe czu Bresburg noch undirrychtunge ezweier bruder unsers ordens, wy die warnunge gescheen durch etliche gut gunner unsirs ordens, so beyn ich am nehest vorgangen Sonnobunde gekomen ken Breslaw, also habe ich gefunden den gut gunner und warnesman unsirs ordens, der mir vorczalt hat die czukunftige schykunge des herren konigs von Polan und herczoges Wytawts wedir euwer konigliche gnade, die cristenheyt und unsern orden, alzo das des herren konigs von Polan und herczoges Wytawts sendeboten werden eynen tag halden in korcze uf dem Taterschen gevielde, gelegen czwysschen Tatern und Ruysschen, wy wol der herre konig von Polan und hertzog Wytawt dar in eygenen persone(n) nicht komen wellen, uf das sey dorinne nicht sollen gemerket werden, aldo werden vil geczunge der heydenschafft czusammen komen, und die czusammenkomunge geheissen ist von den heiden zam eyn concilium, alzo das der herre konig von Polan und herczog Wytawt dissen somer nicht vormogen grosse heydenschafft in herferthen czu furen, abir den andern czu- kunftigen somer wellen sey czwey heere, eyns ken Pruyssen, das ander in die Sleisie usrichten mit der hulffe der hussen, uf das die Slesie mechticlichen obirfallen werde und obirczogen, und hoben ouch der vorgenante koning und herczog Wytawt grosse gaben gesandt dem Turken, die gaben der obenberurte warnesman ge(se)hen hat, als her spricht, uf das die Turken euwer grosmechtige koningliche1) und die euwern mit krige deheyme behalden sollen, und das sey yren wyllen czu schaden euwern koninglichen gnaden, der cristenheyt und czu vorstoren unsern orden mogen volbrengen, do dach got vor sey. Dorumbe demuticlichen ich biete euwer allirdurchluchtigeste koningliche gnade, das sey geruche eyns sotanes czu herczen erntstlichen ezu nemen und setczen unsern orden in eynen ewigen bestendigen frede mit den herren koninge von Polan, herczog Wytawt und iren landen, wanne ich das vor das beste euwir gnaden, der cristenheit vnd unserm orden irkenne noch gestaltnisse der sache, das eyner ewiger bestendiger frede das beste sey, also ich das euwern gnaden das ouch zu Preszepurg vorczalt habe, wanne geschee dis nicht und euwer koningliche hulffe und schyckunge ouch nicht vulbracht und vulfurt wurde, wanne ich vornomen habe von den sendeboten des landes czu Sachssen, das der herre marggraffe von Brandenburg das land czu Sachssen bis an euwer gnade inneheldet, dach 1) Vielleicht das Wort gnade zu ergänzen.