1432. 109 Beischluss. Auch geruche ewer gnade wissen, das meine brudere sich eynes feldes mit der stat Breslaw voreynet hatten, und meyne brudere woren iczund ofkomen mit ganczer macht, und logen zum Hundisfelde, do bergerten sie zu wissen an den von Breslaw, was ir hulfe sein sulde. Do sprachen sie, si welden helfen mit iiil pferde, do trawten meine bruder das felt nicht zu machin mit sulcher geringer huffe und czogen weder weg. Andirs weis ich iczund nicht czuvorschreiben, wenne meine bruder wereten die Odir umb Lewbis etc. Sun- derlich sal ewer gnaden wissen, das der junghe herczog Bolke das haws Greisow 1), stad und haws zur Newenstad und Wenygenglogaw besatz hat, unde der ald herezog Bolke sein vater der sterket en doruff mit buchsen und pulver, und meinet das bischtum van Breslaw dovon zu beschadigen, wenne Greisow und Newstad in dem bischtum ist gelegen, und er spricht, er hette und furete eyn guten fertigen glowben etc. (1432 Juni 23.) H. v. Maltitz berichtet dem Hochmeister über die Friedensverhandlungen. Königsb. Staats-Archiv Schbl. XXI. nr. 112. Orig. mit Spuren des Siegels. Minen willigen undirtenigen dinst uwern gnadin czu allin geczitin bereit, howerdiger und grosmechtiger furste, gnediger libir herre, ich sende uwern gnadin iczczunt hir beschrebin geleginheit der keczezer, und wy is iezczund in deme lande zeu Behemen stet, und bitte uwern gnadin wissin, das ich von myner gnedigen herren wege von Sachzin wol ffunff wochin zcu Behemyn gewest byn, und byn an dem nestin fritage vor sinte Johannis tage heym komyn und byn uff eyme tage gewest mit den keczczeren adir von myner ege- nantin gnedigin herren wege, und habe do eynen fredin getedinget und begriffin czwuschen mynen egenanten gnedigin herren und alle yren landin uff eyme teyle und mit den Taberen und weisin, und mit den herren , dy do zeu Behemyn czyhin und mit deme ganczin lande zeu Behemyn, dy uff der keezezer sytin syn, drittehalbp jar, doch mit sulcher underscheyt, abp der romyssch konygk adir dy korfurstin yn das lant czu Behemyn weldin czihin, so mogin myne egena(n)ten gnedigen herren wol methe czihin adir sickin unschedelichen deme egenanten fredin. Were och sache, das dy keczczere andern furstin in ore lant czo- gin, so mogin och myne egnanten gnedigen herren deme selbin ffurstin adir herren, deme sy in das lant czogin, wol ezu hulffe komyn adir sendin, wy stark sy wollen, unschedelich deme fredin. Ouch gnediger libir herre, bitte ich uwern gnaden wissin, das mir dy keczczere uff deme selbin tage selbir gesayt habin, dy do kegyn mir woren, das dy her der weysin und der Taberen und andir ore brudir mit macht czogin hy hyn keyn Merhern und weldin abe tribin den herczogin von Osterrich, der lege vor eyme clostir, das da noe by Olmücz gelegin ist, das dy keczczer dy selbe czit irstegen und gewinnyn hattin, und weldin dy selben dar yre brudir retthin und das closter wedir spisin und do von dannen weldin czihin in dy Slesige, do sulde der konyng von Polan mit andern synen herren und mannen und nemelichin eyn herczoge aus der Mase mit ym, und sullin do czu hoffe komyn yn eyner stat, dy heissit Olszenicz2), und wollin sich do mit en voreynen und vortragin, das sy denne Juni 20. 158. 1) Greisau bei Neisse. 2) Oels.