164 1421. 1422. f. 17b. 1421. April 25. Nov. 25. 1422. gekronet mit vorwillung aller herschafft und steten der lande czu Ungarn, Behmen, Mehrern, von Slezie etc. eyntrechtiglich angenomen um seyner tugenden willen, dy den menschen ummer mehr und mehr erheben (ist 1), und (als do saget Seneca libro epistolarum 9 et epistola in ordine LXVIII) nymmer zcuruke weychen lest, das ist yn eren unnd wirdigkeit abenemen, wenn eyn yetzlich dingt ane zcirde mit tugundt wirt gezciret ep. LXXXIII. Graben zeu rewmen und ffertigen durch den konigk geboten in sulchen schrifften: wir Segmundt von gotes gnaden, zeu allen czeyten merer des reichs unnd zeu Ungern und czu Behmen etc. konigk, entpiten allenn und yeczlichen, rittern, knechten unnd mannen, dy keyn Namslaw gehorn, unsern liben getrawen, unser gnade und alles guth, lieben getrawen, wenn unser schloss Namslaw an eynen sulchen ort unser lande ligt, das es redlicher befestung wol bedarff, dorumbe gebieten wir euch ernstlich und wollen, das ir mit ewern gebawern schaffen und ehin gebieten sullet, das sy alle den graben umb Namslaw helffen czu bessern und czu machen, das ir alle , so es not geschege, diste sycher zcuflucht dohyn haben mochten, unt thut dorynn nicht anders bey unsern hulden. Geben czu Olmetez am freytagk noch sant Jorgen tag unser reyche des ungerschen ynn dem XXXV, des romischen yn dem XI und des behmischen yn dem irsten jare per dominum Albertum de Colditz, Michael canonicus Pragensis. Littere extant 2). Mercke dorumbe, o Namslaw, deyn achtbarkeyt durch dy weysheyt des koniges gemer- ket, das dich seyne konigliche gnade unversewmlich gelibet, gross geschetezt, dorumb yn seynem irsten jahre, so deyn herre wurden und ehim zcymlich gewest, mit sulch befestung vorsorget und angenomen hot und vorsehenn. Dy herren des rathes alhy mit sampt der gemeyne von dem konige bey trawen und eren ermant und angeruffen seyn weder dy ketczere, welche sich dy landt mit mort und brant zeu beschedigenn, desze zceyt gross undernomen haben, beystandt unnd hulffe zeu thuen durch den strengen Jancken von Chotiemitcz genant vom Furstenstein konig- lichen bothenn mit eynem credentezbrieffe, noch vorhanden 3), ersucht seyn. Gegeben zeu Casschaw ipso die Katherine seiner reich ut supra. Dy herren des rathes yn namen der stadt neben andern ffursten und hern und zunder- lich mit den hern von Breslaw von konigl. majest. kein Ulmetcz (Olmütz) zcu komen gefor- dert seyn, wenne do seyn konigl. maj. hot wellen beschlissen noch vorgenomen roth weder dy wicleffiten und ketczer zeu Behmen eynen reytenden kriegk uff den sommer bestellenn und mit hulffe aller seyner undortenigen zeu vorbrengin. — — März 17. Bischoff Conradt von dem konige zeu houptman zcu Breslaw und alhy gesatczt ist wur- den und ernstlich gebeten ehim undertenigk noch alder gewonheit zeu weßen, das denne geschen ist. Date litere zcu Cremsire fer. 3. post oculi anno et regnorum ut supra (1422). Dy vorstette deszer stadt abezcubrochen ader wegk zeu rewmen yn notderffkeyt, zo dy lewffte mit herczogen der ketczer yn deßen landen gewest, von dem konige durch brieffe März 15. erlewbet seyn. Gegeben zcu Chremsire dominica oculi annorum et regnorum ut supra (1422). 1) Das Wort scheint zu viel. 2) Unter den Urkunden der Stadt Namslau nicht mehr vorhanden. 3) Jetzt nicht mehr.