38 1423. (1423) Juli 27. Gesandtschaftsbericht an den Breslauer Rath. Bresl. Stadtarchiv. Roppan. 50. t. t. t. Vnsern frundlichen grus czuvor: Erbare, weize lieben heren vnd frunde, als ir uns geschreben habt in allen sachen, die ir uns bevolen habt, unsern ernsten fleis czuthunde etc., das habe wir nicht gesewmet, vnd haben das mit groser mühe vnd mit ernstem fleisse an vnseren heren kunig mundlich vnd auch brieflich bracht vnd iczliche sache eigentlich erzalt, die sachen vnser here allis nach bey im behalden hat und hat uns bescheiden ken Granaw mit unserm heren dem bisschofe und hat gesprochen zu uns: „wir haben euch allczyt eyn redlich gut ende gegeben, das ir frölich von uns gescheiden seit, als wollen wir auch nach tuen,“ auch wisset, das her alle ritterschaft und botschaften, die von allen landen yezund zu im komen, bescheiden hat ken Presburg, und besorgen, das wir nicht ee eyn ende gehaben mögen, her kome denn ken Presburg. Ouch wisset, das wir nicht konnen gewissen, wer nach unser houbtman sein wirdt, wenn wir ydoch von wores mer- ken am bisschofe von Passaw und auch an anderen heren, das der bisschof1) houbtman bleiben werde ——2). Geben zu Granaw am dinstage nach Jacobi. Michel Banke und Michel Glezil. 52. (1423) Sept. 14. Gesandtschaftsbericht an den Breslauer Rath. Bresl. Stadtarchiv. Roppan. 50. z. z. z. Unsern frundlichen grus zuvor, ersame lieben heren vnd frunde, wir tuen euch zu wissen, das sich vnser here bisschoff mit dem von Coldiz umbe die rente vnsers herren kunigs, die nu vff Michaelis gefallen sal, geeynet hat, also das dieselbe rente dem von Coldicz gefallen sal , daruf haben wir vor en geloubet kegn Henriche Tristram vor 250 ungarsche gulden in golde, die man acht tage nach Michaelis vnvorczoglich zu Bres- law beczalen sal, vund dorczu haben wir im auch ezwene gulden in golde vorneiget, also das im nach geboren werden hundert und 48 gulden uf Michaelis. Auch wisset, das herczog Albrecht von Osterrich vf der Blindenburge bey vnserm hern kunige ist vnd wird bei czween tagen ken Ofen komen, so ist der cardinal auch zu Ofen vnd sust vil andere heren in botschaft von fremden landen, vund des kunigs von Polen botschaft alse von der hussen wegen ist auch hier, und vorsehen uns, das die hussen alle irer sachen bliben werden bey dem kunige von Polen ken unserm heren dem kunige, also das wir unser sachen kein ende werden haben mögen, die sachen haben sich denne vor geendet, und bitten euch, uns bey eurem eigenen boten zu vorschreiben, wie is mit den Opulisschen heren und den hern von der Olaw bleben ist, und sust von allen andern sachen, vff das wir uns darnach mögen richten ; auch, lieben frund, habt ufsehn mit vorsichtikeit, wenn man ernstlich donach stehit, wie man uns zu schaden mochte brengen, wenn die zwene 53. 1) Konrad von Breslau, vgl. o. No. 30. 2) Das Weitere betrifft nur die inneren Angelegenheiten der Stadt.