14 1421. nitas, nam prima causa, quia curienses magni ducis sunt, demum quia legati sunt in facto grandi rem publicam tangente ad dominum regem et ad dominum ducem magnum, et durum est contra stimulum recalcitrare. Datum in Velitzka feria tertia post Mauricii. Anno etc. xxi" Abraham Niger salis utriusque supparius. 1421 Oct. 9. König Sigismund ruft die Breslauer u. A. zur Hülfe auf für den von den Polen bedrohten Herzog Johann v. Ratibor. Breslauer Stadt-Archiv EEE. 24. Sigmund von gotes gnaden romischer kunig zu allen zeiten merer des richs vnd zu Vngarn zu Behem etc. kunig. Lieben getrewen als der hochgeborne Johans herczog zu Troppaw vnd zu Ratybor, vnsser lieber oheim vnd furst, die keczer von Prage vnd ire bottschafft, die zu dem kunig von Polan vnd Wytolden gesant waren, gefangen vnd aufgehalden hat, hat derselb kunig von Polan vnd Wytold vnd etliche andere die iren demselben herczog Hansen botten vnd brieve gesant swarlich drawend, als ir wol sehen werdet in den abschriften hierynne ver- slossen 1), vnd als wir alweg in dem synne mit euch gewest sein, wer es sache, das der kunig von Polan oder Wytold ichtz wider vns vnd wider euch meynet zutund, das wir dann mit aller macht mitsampt euch beyeinander sein wollen in zu widersten, ob des not wirt. Nu ziehen wir in das lande zu Marhern vnd wollen bey Olomuntz in der nehe sein, davon so begeren wir von euch mit ganczem ernste vnd flisse, das ir mit aller ewer macht zu rosse vnd zu fusse bereyt seyt, ob sich der kunig von Polan oder Wytold zu solichen sachen beruren wolten, das ir mitsampt vns in widersten mogt, als des notdurft sein wirdet, als wir euch des gentzlich glawben vnd getrawen. Auch so haben wir dem meister von Preussen vnd dem gantzen orden geschrieben, ob es not were, das sy mit ganczer macht vns helffen sollen, als wir auch on zweyfel sein, das sy vns helffen werden. Geben zu Trentz am donerstage nach sant Francisci tag, vnserer riche etc. Ad mandatum domini regis Franciscus prepositus Strigoniensis. 21. Oct. 4. (1421) Oct. 10. Bericht an die Görlitzer über den Feldzug. Scultetus ann. Gorlic. II. f. 55. Herman Schultz, Hannus Pletzil vnde Heinrich Ebirhard der Slyf den irbern weysen burgermeister vnde ratmann der stat Görlitz etc. Vnser willige dinste mit sünderlichem fleysse zuvor, liben herren! Wir thun euch wissen, das wir gerucket sein vbir das gebirge ienehalben Glotz, vnde haben do gelegen in eime dorffe eyne halbe meyle von dannen, genannt Sweydelndorff (Schwedeldorf) von dem sonabende noch Michaelis biss uff desin hütigen tag. Inn derselben zeit sein zu vns kommen in das veld der bischoff von der Neyssen, herzog Cantener, der herzog von Monsterberg, der von Colditz vnd 22. 1) No. 16, 18—20 dieser Sammlung.