58 spruch und unser antwurt, und wollen Im und den sein do gern als vil sein nach pider leut derkennthnuss als pillich und mug- lich ist, wenn uns und den unsern gar ungutlich geschicht von den sein, die uns rauben wider got und recht und uns die unsern gemort haben. Thut in den sachen, das wir umb euch und die ewern verdinen wollen, und wir dancken euch ewr mue. Ewer verschribene antwurt. Geben zu Valkenbergk des Suntags vor Bartholomei anno oc. XXVIIII. Bruder Niclas Abbt zu Waltsassen. Den oc. Burgermeister und Rat zu Eger oc. 601. 1429, Sept. 2 (Nürnberg). Der Rath von Nürnberg an den von Eger: erklärt seine Bereitwilligkeit, dessen Bestes wie überhaupt, so auch bei den Kurfürsten zu fördern. (Nurnbergor Missiv-Buch VIII, fol. 180.) Der Stat zu Eger. L. Fr. Als Ir vns von der Lewffe wegen zu Prag ver- schriben, etlich abschrift in ewerm brief gesandt, vnd daraut gebetten habt oc., das haben wir wol vernomen. Nu hoffen wir, der Allmechtig got werd sein gnade zu den dingen wenden, daz die besser werden. Auch seyn wir ewer weisheit bisher willig gewesen, als wir meynen, daz Ir das selbs wol vnd pillich ver- steet vnd wir seyn in meynung daz hinfür mitsampt andern auch zu tun. Vnd als Ir denn begert habt, ewer frewntschaft vnser fürdrung gen vnsern Herren den fürsten auch zu tun oc., das haben wir bisher gern getan vnd wellen das hinfür auch gern mit fleisz tun, wo das an vns gelangt. Dabey dewcht vns wol geraten seyn, daz Ir söllich sache an vnser gnedig Herren. die kurfürsten, als die bey einander seyn, arbeytet. Denn wo wir ewer ersamkeit Lieb oder Dienst oc. Datum ut supra (feria VIa post Egidij).