249 brief gebt, damit man ain wissen hab, daz si die ewrn sein, vnd das salcz oder andere war, damit si hanndlent, ew vnd an- dern, die sich mit vnserm gnedigen herren vnd vatter, dem Ro- mischen oc. kunig, vnd vns haltent, vnd nicht den veinden zu- furn, noch in das verner verkauffen, vnd daz dieselben veind hinfur nicht mugn solich kuntschefft durch die fromden furlewt, die in genaigt sind, auzgerichten, vnd daz ewr vnd der ewern arbaitt dannoch fur sich gee. Dauon ist vnser maynung vnd wellen, daz ir in den sachen fleissig seyt, vnd kainen andern, denn den ewrn, vnd die ew zughorent, solich kuntschefft gebt, damit den fürlewten, die den veinden narung züfuren vnd ge- naigt sind, nicht werd geuerleich vbergeholffen. Vns geuellt auch wol, daz ir das offentleich lasset beruffen, daz sich yederman mug darnach gerichtten, wan wir das zu den andern vnsern steten vnd geslossen yecz auch haben desgleichen geschriben. Geben zu Wienn an phincztag vor sant Mertten tag. Anno oc. tricesimo primo. D. dux ín consilio. Den erbern, weisen vnsern lieben getrewn dem burgermaister vnd dem rate zum Budweis. 771. 1431, Nov. 11—12 (s. 1.). Der Lausitzer Vogt Albrecht von Kolditz an seinen Sohn und an die von Görlitz: die Ketzer scien von Löbau weg gegen Schluckenau gezogen: sie mögen sich in Bereitschaft setzen, um dieselben, wenn die Gelegenheit sich dazu ergibt, angreifen zu können. (Scultetus II, 106b [ann. 1432].) Albrecht von Kolditz, von Gots G. vnsers G. H. des königes Cammermeister vnd Foyt zu Budissin vnd Gorlitz oc. Den Edlen vnd gestrengen vnd wysen Thymen von Colditz, vnd Mannen vnd Stat des Landes zu Gorlitz minen guten fründen. Myn dinst zuvor liber Son fründe vnd Herren, Ich thu euch zuwissen, wy das dy Ketzer von der Lobaw gezogen sint, vngestörmet, vnd haben sich in das Gebirge keyn Slockenaw gewant. Nu alse ir vns geschreben habet, mit Hentzen von Geriszdorffs knechte, das ir willig weret zu den sachen zu tun, das dancke wir euch gerne.