300 gancz getruwen zu uwern gnaden habin, das wellen wir uwern gnaden vnd dem orden vor vnserm Allergnedigisten herrn dem Romischen oc. Konige vnd vor eyme ydermann fleissiglichen dangksagen, vnd zu allezcit williglich gerne vmb uwer gnade vnd den orden vnd alle die uwern vordynen vnd bitten uwer gnaden gnedige vorschrebene antwort. Geben zu Gorlicz des nehsten montages noch des heiligen merterers sand Laurencii tage vnder vnserm Stat Secret An. dom. Millesimo CCCC°XXXII°. Burgermeister vnde Ratmanne der Stat Gorlicz. Deme hoewirdigen vnd Grosmechtigen herrn, herrn Pauwel von Russ- dorff Hoemeister dewtczsches Ordens, des Landes zcu Prewssen vnserm gnedigen lieben herrn. 816. 1432, Aug. 13 (s. 1.) Heinz Imhof an Niclas Kummerauer Bürger zu Eger: Nachrichten von einem in Wirzburg begonnenen Kriege, von dem Fürstentage zu Mergent- heim, von K. Sigmund, der in Siena zu überwintern vorhabe oc. (Orig. arch. clv. Egrae.) Mein willig freuntlich dinst zuuoran, lieber herr Gume- rawer ich lasse euch wissen, das mir Hans von dem Moren von ewren wegen geben hat hundert gulden an dem pfincztag vor laurenczy (7 Aug.) oc., auch lasse ich euch wissen, das der Crig zu Wurzburg angangen ist, sy schissen vast von dem Slos herab in dy stat vnd dy andern hin wider auf hin, doch hoffen wir es sol verricht werden in kurcz, den itzunt etlich kurfursten vnd hern vnd Reichstet bey einander sein zu Mergetheym auf einen tag, am nechsten suntag vergangen, sein sy zu einander komen, dy werden sich darvnter muen den worten das sy niht in Crig mit in komen oc. auch wisset das vnsern gnedigen hern der Romisch oc. konig zu der hohen syn ist, do ist der Peter Folkmair zu Im komen vnd vnser herr, der lest Im stuben machen auf den winter zu senis, das man maint er werd den winter da bleiben, den als ich hor so hot der Babst bey VIm pferden wider vnsern gnedigen hern, vnser hergot der mach das vnd alle dinck gut, gebit mir alzeit, grusset mir haus- fraw vnd ewren son vnd gut freunt fleissig, domit pfleg vnser