421 erdtreich, wer aber das täte fräuelich der tüe das auf sein recht wann geseczt ist durich die herren vnd die ganczen samnumb das dieselben ze stund an alles verczyehen gehenkcht sullen werden. Auch sol nyemand den andern verdampnen noch anlangen von vergangener sach wegen die yeczund vergangen und ge- schlicht sind, ainer dem andern nicht auf zü heben oder zü ver- newen die getan sünde oder tate bey der obgenanten puess. Auch sind die boten des Kaysers gesant zü der ganczen samnumb als der her von Rosenberg, her pöt von Zächlobitz, her ernst von Blasin, den ist geben ein antwurt, das sy ir er- leich boten ausrichten wellen mit der antwurt zu dem Kayser, als her Meinhart von dem Newen haws, herren Taczkoffen von Ratigi, Herren Vlreich von Wartenberg, herren Wenisch von Möckrabitz, Niclasen Schäckell, Johans Zacko, Johans Welcka, Marschiko Limend. It. man sol geben durich das gancz reich zü czwain grossen dem obgenanten hauptman zü zerung damit auszerichten gemainen nutz in dem obgenanten reiche. 917. 1434, Jul. 5. Schreiben eines Utraquisten an seinen Freund über die in jüngster Zeit in Böhmen gefassten Beschlüsse und Anordnungen. (MS. In Munchen, Cod. bavar. 1585, fol. 52.) Mein Dinst zuvor, fürsichtiger lieber freunt! Als du mir geschriben hast, das ich der sach, die wir yeczund auf vnser sammnung haben solt vnderweysen. Geruoch zu wissen, das dyse räte der alten Taboryten, der Waysen vnd veltziecherern alle vergangen sein, vnd habend kain stymm mer, vnd hört nichtz von In. Dann wir alle vnsers tayls oder seyten sein ains worden als für ainen man in czain stymmen, das ist die herren die ritter vnd auch Prager vnd anderr stete all ainträchtiglich vnder ainen Verbeser kömen sein vnd Im gehorsam getan ha- bend, das kainer auf den andern mit kaynem gewalte reyten sol, Dann hat yemand mit dem andern icht ze schicken, das