112 652. 1430, Febr. 12b (Nürnberg). Der Rath von Nürnberg an die Rittergesellschaft unter St. Georgs Schild: gleicher Dank und Eröffnung über den vom Markgrafen von Brandenburg vermittelten Frieden für sämmntliche umliegenden Fürstenthümer, Gebiete und Städte. (Nürnberger Missiv-Buch VIII, fol. 233b.) Den Edeln Herren, erbern vnd vesten, Hern Berchtolden vom Stein zu Rons- perg, Hern Hanns Conraden von Bodmen, Rittern, vnd Fridrich von Zupplin- gen, Hawbtlewten vnd der gemeinen Ritterschaft in Swoben der gesellschaft mit sand Görgen Schilt. Edeln erbern, vesten! Vnser willig dienste vnd was wir guts vermugen seyn ewer edell vnd erberkeit mit fleisz bereit. L. Herren vnd guten gönner! Ewr erber tröstlich schrifte vns getan, wie Ir den grossen Jammer, mört, prant, schaden vnd übeltet, so die vngelewbigen Hussen der heil. cristenheit tun, betrachtt habt, daz Ir Got vnd Maria zu lob, der heil. Cristen- heit zu trost vnd rettung, dem heil. R. zu wirden, vnd vns vnd gemeinen Landen vnd Lewten, die denn yeczunt in anfechtigung seyn, zu vestigung, mit einem erbern wolerczewgten volk als M pferd auf den ertag vor sand Mathias tag (21 Febr.) schierist vmb Nördlingen wellet seyn onuercziehen herab zu Lande zu ziehen, vnd was Ir zu fussen vermugt, nach ewch zu kommen oc., haben wir in sundern grossen trewen vnd gut vernommen, vnd vnserm gnedigen Herren Marggrafen Fridrich von Brandemburg, des Gnade yeczunt bey vns ist, auch ersamclich fürbracht. Nu tut Ir an söllichen dingen gen got vnd gen der werlt seliclich vnd wol. Auch danken wir des ewer edell vnd erberkeit mit gantzem ynnigen fleisz, vnd begern das nach vnserm vermugen williclich zu wider dienen, wo sich das ymmer gebürt. Vnd tun ewch zu wissen, daz der vorgenant vnser gnediger Herre... von Brandemburg von seiner gnaden vnd vnsers Herren des Bischofs von Eystett wegen vnser gnediger Herre Herczog Johan von Peyern, die Erwirdigen, edeln vnd erbern.. die pflegere des stifts zu Bamberg.. der Vicztum von Amberg vnd auch wir auf diselbe zeit angesehen haben, die grosse merklichen