180 718. 1430, Dec. 26 (Schweidnitz). Die Schweidnitzer an die von Görlitz: sie entschuldigen das Ausbleiben ihrer Hilfe mit der eigenen Bedrängniss. (Scultetus II, 99 [ad ann. 1431].) (It. Grunhagen 1. c. n. 151.) Hauptman, Manschafft der Fürstenthumb Schweidnitz vnd Jawor. Den Edlen, Gestrengen, Woltüchtigen, Ersamen vnd Weisen H. Thymen von Colditz oc. Landmannen, Bürgermeistern vnd Rathmann, des Landes vnd der Stat Gorlitz, vnsern be- sundern günstigen lieben fründen. Als vns E. Edelkeit vnd liebe vorschriben habt, vmb hülffe wider die Ketzer oc. Tun wir E. Liebe zu wissen, das wir Tag nach Nacht keine ruge habin von den Kätzern. Othmachaw, Nymptze, Weissenberg, Kotzkenstein, Ebirspach mitt andern iren Helffern vnd Possadken, täglichen für vnser Stat sein vnd vns grüntlichen vorterben, So das wir vnser Vorstete Vorberg vnd Mölen für en schützen müssen, vnd haben doch von ny- mande keine hülffe noch roth. So ist vns in diser stunden bot- schafft kommen, als wir euch eine abschrifft oc. So haben wir allen desen Landen vnd Steten ernstlichen geschriben vnd gebothen, bey leybe vnd gutte uffzusein »c. Eines solchen glauben wir euch auch wol, ab vns das noth würde sein, das ir vns auch mit ewer macht zu hülffe wolt kommen. Geben an sende Stephanstage Anno oc. Einschluss. Cuntze Beler off dem Schetzler: ad senatum Hirsperg. Ich thu euch zu wissen ernstlichen, das die samlunge der Kätzer zu Behmen, wollen ein teil auff die Zittaw, vnd der ander hauffe, vorneme ich, die wollen mit Wotyken vor ewer Stat nu in desen Heiligen tagen vnvorzogenlich, Vnd vorwore hierumb warne ich euch, das ir ewr Ding nach dem besten vnseumelichen bestellet, wenn ich vngerne erfare ewern schaden Geben am sontage vor dem H. Cristage (24 Dec.)