157 691. 1430, Jul. 26 (Nürnberg). Der Rath von Nürnberg an den von Ulm: über den Anschlag der Kur- fürsten gegen die Hussiten; der König sei durch Krankheit in Wien auf- gehalten worden, doch meine er nächstens näher zu kommen oc. (Nurnberger Missiv-Buch IX, fol. 26.) Vlme. L. Fr. Als Ir vns verschriben vnd gebetten habt, ewer weisheit zuuerschreiben, ob vnser Herren... die Fürsten vnd Herren Ir anzal des greysigen zewgs wider die Hussen senden von des anslags wegen, der nehst bey vns beschêh, das haben wir wol vernomen. Vnd lassen ewer fürsichtikeit wissen, daz bis auf dise zeit vnsers Herren von wirtemberg vnd der dewt- schen Herren zewge zu vns komen seyn, die verrner darumb meynen zu vollreiten, als wir verstanden haben. Auch haben wir vernommen, daz vnser gnediger herre... der Marggraf von Brandemburg seinen zewg auch bestellt hab vnd meyne zu sen- den. So haben wir auch verstanden, daz vnser Herre... der Bischof von wirtzburg ein samnung gehabt habe vnd mit seinem zewg auch embor sey. Als Ir vns denn von vnsers gnedigisten Herren... des R. oc. Künigs wegen verschriben vnd gebetten habt, haben wir vernomen, daz vnserm Herren... dem Marg- grafen auf nechten von seinen küniglichen gnaden ein brief komen sey, daz sein küniglich maiestat von krankheit wegen zu wyen verhindert sey worden, doch ye kürtzlich herauf meyne zu komen, als wir desgleichen in allen schriften vnd botscheften noch nie anders verstanden haben, vnd vnser erber botschaft, die wir nehst auf seinr küniglichen gnaden geheiss gen straw- bing wert gesandt hetten, ist vor etlichen tagen wider herheim geritten, do sich die ding in lengrung zugen. Vnd als Ir vns von wegen vnsers gnedigen Herren... des Bischofs von Agram Canczlers verschriben vnd gebetten habt, sol ewr gute frewnt- schaft wissen, daz sein gnade ob XIIII tagen von vns gen Re- gensberg vnd gen strawbingen werts geritten ist. Denn wo wir ewer ersamkeit Lieb oder Dienst oc. Datum feria IIIIa post Jacobj.