417 die herren auf vnser Seitten haissen schiessen in der Hussen heer auf die Seitten mit den püchsen. Da hat sich her Niclaus aber gewendet vnd ein clain weg von In gezogen als er hiet weichen wellen. Da das die Hussen ersehen haben, da haben si Ir Wagenburg aufgetan. vnd den vnsern nacheilen wellen. Da hat sich herr Niclaus mit dem Volk wider vmbkert. vnd hat mit In inn die Wagenburg gesprungen vnd hat mit den veinden gevochten als lang das si In in die Wagenburg verschlossen haben. Also haben die vnsern von herrn Mänharten vom Newen- hausz der von Rosenberg vnd ander herrn pest gewappent lawt. vnder den vnsern vmb die Wagenburg hin ein gehebt vnd ge- holfen. die weil haben die vnsern die veindt gestürmpt vnd die wägen in der Wagenburg nider geworffen, das sie den vnsern hin ein ze hilf kömen sein. das si das veld also behabt vnd die veindt all nider gelegt haben. It. es haben ettlich zu den herrn auf vnser seitten getretten. vnd der sind ettlich in dem veld gewesen. sunder die von Sacz, Lünn, it. ein Lewtemerytz, Pehemischprott vnd ettleich ander Stet, vnd reitten ye noch ander herrn auf der Hussen Seytten zu den herrn in vnser heer vnd wellen si da mit den vnsern ainen vnd verschreiben. It. das fechten ist geschehen pei den alten Choln vnd pei jungen Choln zwischen des pergs. vnd der vnser sind gar wenig erschlagen aber ir sind gar vil. Wnnd zu stund haben unser herren der Hussen Wagenburg in unser Wagenburg gefürt vnd haben die zugericht. 913. 1434, Jun. 3 (Nürnberg). Der Rath von Nürnberg an die von Pilsen: Glückwunsch zur Niederlage der Ketzer; anstatt des verlangten Korns schickt er ihnen lieber Geld. (Nurnborger Missiv-Buch XI, fol. 35b.) Pillsen. L. Fr. Als Ir vns nehst die guten mêre, do die bösen keczer Ir here vnd samnung vor ewer stat aufgebrochen vnd von dannen geczogen waren, mit frewden verkundet habt oc. 27