252 haben, also daz wir hoffen, vnser gnedig Herren.. der Ertz- bischof von Meyntz vnd .. der Pfallntzgraf bey Reyne werden ander teg daran setzen vnd tröstlich zu den Dingen tun. Auch tun wir ewer edell zu wissen, daz vnser Vatter vnd Herre... der Cardinal sancti Angeli vnd mit Im das erwirdig Concilium zu Basel den vngelewbigen gen Beheim Ir treffenlich ersam schrifte getan, sie zu In gen Basel geuordert, sicherheit vnd gleyts gnug zugeschriben haben vnd sie da frewntlich meynen zuuerhören, als wir ewer edell derselben schrift ain abschrift in gut hierynnen verslossen schicken. Als Ir denn von der Greden Birgerin wegen gebetten habt, der haben wir bis her vnser für- drung getan vnd hinfür ewer edell zu Lieb auch gern tun wellen. Denn wo wir ewer edell Lieb oder Dienst oc. Datum ut supra (feria IIIa post Katherine). 774. 1431, Nov. 30 (Nürnberg). Der Rath von Nürnberg an den von Eger: sendet ihm ein zweites Schrei- ben des Concils zur Beförderung an die Böhmen und ersucht um Nach- richten von den Ereignissen in Böhmen. (Nurnberger Missiv-Buch IX, fol. 181b.) Eger. L. F. Vns seyn von vnserm Vatter vnd Herren.... dem Cardinal sancti Angeli vnd dem Concilij zu Basel aber brief gesandt vnd auf hewt geantwurtt worden, ewer weisheit die furder zu senden. Also schicken wir die ewer guten frewnt- schaft hiemit. So werdt Ir wol vernemen, was ewch fürbas da- mit gebürt zu tun. Vnd als wir ewr ersamkeit in vnserm neh- sten brief gebetten haben, also bitten wir ewch aber in sunderm wolgetrawen, daz Ir vns von den Lewffen der vngelewbigen zu Beheim vnd söllicher des Conciliums schrift In getan in guter frewntschaft bey disem botten verschreiben wellet, alsuil ewch denn füklich vnd wissenlich sey, wie sie das aufnemen vnd sich dagegen stellen vnd was ewch ein notdurft dunke, als wir vns denn des vnd anders guten zu ewer weisheit wol versehen. Das wellen wir vmb ewr ersamkeit oc. Datum ipsa die beati An- dree apostoli.