383 gewesen seyn vnd sich mitsampt vnsern Freunden, die wir zu iren gnaden darumb bescheiden hetten von notdurft vnd ge- legenheit derselben dinge vast vnterredt haben, vnd besunder in einem stuck auf söllich meynung, daz sich diselben drey vnser Herren die fürsten yeder in ein sein slosse gegen dem walde mit irem volke legen sullen vnd süllen wir vnd andere In sust greysig volk zuschicken, sich damit auftzuhalten, so man best möcht, ob des not geschehe, da aber wir niht grossen trost zu haben. Darnach sein sie zu rate worden, daz Ir gnade vnd wir mitsampt In vnsern Erwirdigen vättern vnd Herren des Heiligen Concilijs zu Basel hiemit darumb schreiben, des wir dir ein abschrift hierynnen verslossen schicken. So schreiben dieselben drey fürsten auch hiemit vnserm gnedigen Herren Herczog Wilhelmen von Peyern stathalter oc., vnd haben im zu andern schriften ein abschrift des vorgenannten Concilijs brief auch eyngeslossen; da bestell, daz diser bott dieselben brief onuercziehen antwurte. Das verkünden wir dir also, daz du dich nach vnserr notdurft auch wissest dartzu vnd dareyn zu richten, zu halten vnd zu tun, wie vnd wo dich not vnd gut dunk, als wir vns wol zu dir versehen, vnd besunder ist vnser meynung, als bald du vernemest, wie sich die dinge mit den Behmen zu Basel machen wellen oder ob dir sust icht begegnet, daz dich notdurftig dewcht vnd zu wissen, daz du uns das all- weg vnuerczogenlich verschreibest. Daran tust du vnser wol- gefallen. Datum sub sigillo Vlrici Haller magistri ciuium sabato ante Bartholomej. 880. 1433, Sept. 7 (Nürnberg). Derselbe an die von Pilsen: die böhmische Botschaft kehre befriedigt vom Concil zurück und ihr folge eine neue Botschaft des Concils an die Böhmen. (Nurnberger Missiv-Buch IX, fol. 230b.) Pillsen. L. Fr. Vns ist von vnserr erbern botschaft, die wir nehst mit des heiligen Conciliis vnd auch mit der Beheime botscheften wider gen Basel gesandt haben, auf gestern schrift vnd bott-