150 alleczijt gerne. — Auch als wir uwern gnaden vor geschrebin habin, als von der vorlust wegin, die der Jacubko gnomen haid, thun wier uwern gnaden wissin, daz er selbist sere wunt ist unde hait siner redelichsten viel vorlorn, unde nemelich Petern von Malticz, der ist tod ader gefangen, unde furte 24 wagin mit im usz, der nicht mehir wenne 11 widerkummen ist. Die vorlust ist eigentlich also unde ist geschien vor Pilsen. 684. 1430, Jun. 2 (Nürnberg). Der Rath von Nürnberg an andere Reichsstädte: von dem nach Ulm zum 24 Jun. angesetzten Städtetage; von dem Anschlag der Kurfürsten, zum täglichen Kriege gegen die Hussiten 9c. (Nurnberger Missiv-Buch IX, fol. 9b.) A) Weissemburg, Winsheim vnd Sweinfurt cuilibet similiter. L. Fr. Als Ir vernommen habt, wie vnsers gnedigisten Herren.... des R. oc. künigs Canczler.... der Bischof von Agram, vnd vnser gnedige Herren.... die kurfürsten nehst, andere fürsten, Herren vnd auch stette verbott haben gen Nu- renberg zu iren gnaden zu komen. Also haben sich die erbern Ratsbotten, die von etwieuil stette wegen da gewesen seyn, vnd auch wir mit einander vnterredt, daz von der sweren Lewff wegen der Hussen den stetten gross notdurft sey, zusamen zu komen, vnd ist auch des ein tag vnter In benennt vnd beslossen worden gen Vlme auf sand Johans tag sünnwenden (24 Jun.) schierist zu nacht da zuseyn, vnd des mornends anczufahen, sich wol zu vnterreden von dem artikel: Ob ein freye oder Reichsstatt oder Stette von den Hussen überczogen vnd belegert wurden, wes sich dieselbe stat oder stette zu den andern Stetten darynnen versehen vnd gewarten sölten. Darnach haben die vorgenant vnser gnedig Herren.... die kurfürsten vnd fürsten mit der stette botten geredt, wie sie eins anslags eynig worden seyn, wie vil yederman volks wider die Hussen schiken vnd daz dasselb volk vmb sand Jacobstag (25 Jul.) schierist vmb Nü- renberg seyn sülle, vnd sie gaben der stette botten zettel, wie