533 komen mochten Dorvmb wir Bethen ewer weisheit met dinstli- chem fleisse Er wellet vns eynen oder czwene Buchsenmeister dorvff wir vns gewegen mochten wenne der vnser als Er selbst wol wisset bey ewch gelemet ist, das her vns wenig nutzze werden mochte von stadan vnvorczogenlichen senden vnd ab Er vornemen wordet das sich die ketzzer zcu Vns kerten ewern Reisigen geczewge eylende czu vns schicken vnd keyn vns thut als wir gen ewch gethan habin noch thun wellen vnd fruntlichen alle czeit vordinen. Auch vornemet Er ichte von ewern spehen das vns zcu wornunge komen mochte das lat vns vff vnser gelt an alles sawmen wissen wenne wir vornemen das eyn hawffe kome von Hirssberg der ander vor die Cratzze In das land die vns belegen werden. Gebin vnder vnser Stat secret In die Sancti Vincencii. Doch hoffe wir zcu dem barmherczigen gote ob sie sich villeichte des gefrustes trossten sie sollen des nemen kleinen fromen vnd wol von vns geletzzet werden. Burgermeister vnd Ratmann der Stat lewenberg. Den Erbaren vnd weisin Burgermeister vnd .... Ratmann der Stat Gorlicz vnsern besundern guten freunden oc. 11. (1427 ?) Der Voigt Albrecht von Kolditz an seinen Sohn Time, und an die von Görlitz: über Rathschläge und Verhandlungen &c. (Seultetus, II. 73—74 [ann. 14271.) Albrecht von Colditz oc. Voit zu Budesin, Gorlitz oc. Dem Edlen h. Thime von Colditz vnd E. vnd W. Bürgermeister vnd Rothmanen der Stat Görlitz, meynem liben Sone vnd besundern guten fründen. Mein früntlichen dinst vnd Veterliche libe, liber Son, zuvor, Erbern Weisen libin herrn vnd fründe. Alse jr mir schreibt zu euch zu komen mit meyns herren Mannen vnd mit vnserm Reisigen gezewgen. Thu ich euch zu wissen, das ich das zu mole gerne thuno welde, also gerne als jr is gerne seget, Sundir ich meynes herrn Manne nicht sechse bei mir habe oc.