120 660. 1430, Febr. 25 (Nürnberg). Derselbe an den Herzog Ludwig von Bayern: erklärt und entschuldigt den mit den Hussiten getroffenen Vergleich und Waffenstillstand. (Nurnberger Missiv-Buch VIII, fol. 242.) Herczog Ludwigen von Peyern Grafen zu Mortanj oc. Gnediger Herre! Als ewr fürstenlich gnade vns verschri- ben hat wie ewern gnaden gesagt werde, daz etliche vnsere Herren... die Fürsten vnd auch wir mit den Hussen etwas geteydingt süllen haben oc., das haben wir wol vernomen. Vnd tun ewern gnaden zu wissen, daz vnser gnedig Herren Marggraf Fridrich von Brandemburg von seinr gnaden vnd... des Bi- schofs von Eystett wegen, Herczog Johan von Peyern ... die pflegere des stifts zu Bamberg... der Vicztum von Amberg vnd wir auf diselbe zeit angeschen haben die grosse mercklichen macht, gwalt vnd jamer, so dieselben vnglewbigen Hussen auf disem Zug in dem Lande zu Meichsen an dem Herren von Plawen vnd da dannen an vnd in der obgenant vnserr Herren... der Fürsten vnd Herren Landen, slossen, Lewten vnd guten vnd auch an andern Lewten vncz bey III meyln wegs von vnserr stat mit mört, rawb, prant vnd vil andern mercklichen übelteten vnd scheden, leider on allen widerstant türsticlich gehabt, be- gangen vnd getriben haben, dagegen dieselben vnser Herren... die Fürsten vnd Herren vnd auch wir söllicher rettung, macht noch hilff, als denn wider sie not gewesen were, leider niht hetten, noch in kürcz getrawten zu gewarten oder zusammen zu bringen. Vnd darumb daz Irer gnaden vnd vnser Land, Lewt vnd gütere icht gantz zu grunt vnerwert verderbt wurden, vnd daz wir der heiligen Cristenheit vnd vnsselbs hienach dest bas hilfflich mugen seyn, so haben dieselben vnser Herren vnd wir mit den Heeren derselben Hussen, der sie fünf hetten, einen weg getroffen, daz sie yecz awsz disen landen hinter sich ziehen, vnd der obge- nanten Fürsten, Herren vnd vnser land, sloss, lewt vnd gütere hiezwischen sand Jacobs tag schierist künftig niht beschedigen sullen, darynnen wir doch vns keynr sicherheit widerumb gegen In begeben noch versprochen, noch die muter der heiligen Cri-