391 887. 1433, Nov. 12 (Nürnberg). Derselbe an Denselben: u. A. von einer misslungenen Botschaft an die Legaten nach Prag, von K. Sigmunds Berufung der Reichsfürsten zum 30 Nov. nach Basel oc. (Nurnberger Missiv-Buch X. fol. 263.) Stepfan Coler vnserm lieben Burger vnd Ratgesellen. L. Stephan ! Als dir wissend ist, wie wir vnserm Herren Herczog Heinrich von Peyern geschriben vnd seinen gnaden denselben brief bey ein vnserm eynrüsser gesant haben, der hat den Herczog zu Burkhawsn gefunden vnd der Rete gar lützel bey Im ; doch hat vns der Herre schriftlich bey Im ge- antwurtt auf meynung, daz er sein Rete kürczlich zu Im ver- botten vnd vns bey sein selbs botschaft ein antwurt darumb wissen lassen welle. So hat Berchtold Volkmer dazwisen her verschriben, wie desselben Herren Rete mit Im auch etwas da- uon geredt haben, als du das nu wol macht von Im haben ver- nomen oder noch vernemen. Auch wiss, als Sigmund Stromer yeczunt von Eger bis gein Ellbogen komen was hieneyn gen Prag zu vollreiten, den haben die von Elbogen niht wellen noch getrawen beleyten his an die stat, da In des Jacubkos geleyt genomen söllt haben. Vnd von treffenlicher warnung wegen hingebens, daz Im geschehen were, hat er widerkert vnd kam am vordern tag zu vns herheim vnd hat vns gesagt, daz er den erwirdigen vättern vnd Herren .... des Conciliis botschaft von Eger als bald einen boten gen Prag gesandt vnd denselben handel eygenlich geschriben hab. So ist vns am vordern tag ein brief von vnserm gnedigisten Herren.... dem Römischen keyser oc. komen, daran vns sein keyserlich gnade schreibt, daz er von der stucke der heiligen Cristenheit vnd des Reichs notdurft wegen, darumb denn das yeczig Concilii gemacht wor- den sey, vnser Herren.... die kurfursten, fürsten vnd Stette gen Basel berüfft vnd vordert auf Andree schierist vnd begert vnser erber botschaft auch darczu zu senden, als wir meynen, daz du das nu auch wol vernommen habst. Darauf wellen wir gedacht seyn. So schreib du vns dazwischen auch deinen Rat