394 892. 1433, Dec. 9 (Nürnberg). Der Rath von Nürnberg an Kaiser Sigmund: sein Bote Sigmund Stromer habe nicht nach Prag dringen können, doch habe er von dort ein Schreiben erhalten, das er dem Kaiser übersendet. (Nurnberger Missiv-Buch X, fol. 281.) Imperatori Sigismundo. Gnedigister Herre! Ewr keyserlich grossmechtikeit well gnediclich vernemen, als vnserr gnedigen Herren vnd vätter des heiligen Conciliis zu Basel erwirdige bottschaft nehst wider gen Beheim geordinirt vnd gesandt ward, also von Irer be- gerung wegen schikten wir vnser erber ratsbotschaft Sigmunden Stromer aber mit In zu vollreiten, vnd als die gen Eger kamen, gebüret sich, daz die botschaft von Beheim von Eger etlich botschaft von In hineyn gen Beheim zu tun hetten vnd teten. Das machet sich do also, daz des Conciliis bottschaft, von gelegenheit vnd notdurft wegen derselb ding die vorgenant vnser erber ratsbotschaft zu vnsern gnedigen Herren... den Fürsten, Herren vnd Stetten vmb vns sckickten, In das zu ertzeln vnd anczubringen, als denn vnser botschaft tet, vnd sich darnach zu In wider eynhin zu fügen, vnd ee nu vnser botschaft wider gefertigt ward, do hetten sich die Ding dazwischen zu Eger also gemacht, daz des heiligen Conciliis botschaft hineyn gen Prag gefürt vnd beleytet waren worden. Do erhob sich vnser erber botschaft vnd kam bis gen Elbogen, daz er gern zu In hineyn gen Prag vollritten were, do kont noch mocht er von Elbogen awsz vnsicherheithalben nicht verrner durchkomen noch beleytet werden. Nu hett er doch vor auch von des Con- ciliis botschaft begerung wegen einen vnsern diener, der denn behemische sprach wol kan, bey In zu Eger gelassen, der auch mit In gen Prag vollritten vnd bey den Handlungen vnd tey- dingen gewesen ist. Derselb hat vns nu verschriben, wie die- selben ding zu Prag gehandelt vnd ergangen sullen seyn bis auf datum desselben briefs, söllicher brief vns auf dise zeit worden ist, den wir ewer keyser. Durchl. von stund hierynnen ver- slossen schicken vnd niht verhalten wolten, denn wir ganz willig vnd bereyt seyn vnterteniklich dienst vnd wolgefallen zubewei-