250 Thu wir euch wissen, da wirs derfuren wol vir stunden in dy nacht, also wurde wir zurathe mitt Hanse von Polentz, vnd dem Lande vnd Stat, vnd dy von der Zittaw auch Land vnd Stat, dy ire Eldesten bye vns hoben. Vnd hoben en nachge- schickt Peter Wenschen vnsern Foyt, Frederichen von der Heyde, vnd Hentzel Magsan vnd Wittich von der Desen, dy zu besen wo sy sich heynt hen keren ader bliben. Is sache, das sy icht derkennten, das wir sy mochten bestreyten ader icht abge- brechen, So sollen sy euch vnd auch vnns eylende botschafft thun. Do bethe wir euch von Land vnd Stete, Wenn das ir euch in sulcher bereytschafft haldet, ab euch der obingeschreben Peter Wensch botschafft thete, das ir euch mit gantzer macht, gere- then, gefaren vnd zu fusse zu der Lobaw morne zu abend lasset fynden. Wenn wir ab Got wil, mit gantzer macht auch da syen wellen oc. Gegeben an dem suntage zu nacht nach Martini an der neunden stunden (s. a.) vnder Hans von Bolbevitz segil oc. wenn ich mynes segil vnd schreber nicht gehaben mochte, da wir so eylende schreben. Vnd schrybe euch das zu warzeichen, das ich mynem sone eynen Briff vnder mynem segil, mit dem- selbigen knechte gesant hobe. 772. 1431, Nov. 19 (Nürnberg). Der Rath von Nürnberg an den von Eger: Erkundigung, ob das Schrei- ben des Concils an die Ungläubigen in Böhmen diesen zugekommen und wie es aufgenommen worden sei. (Nurnberger Missiv-Buch IX, fol. 173b.) Eger. L. Fr. Als wir nehst ewer weisheit von begerung wegen vnsers vatters vnd Herren ... des Cardinals sancti Angeli vnd des Conciliums zu Basel ettliche brief schikten, der besunder einer ewer frewntschaft stund, darynnen Ir wol vernommen habt, was ewch mit den andern briefen gebürt hat zu tun: Nu vernamen wir des mals in vnsern briefen eygentlich, wie derselb andern brief etliche den vnglewbigen Hussen zu Beheim vom Concilii stunden vnd gesandt werden sölten, daz nu seid wol