16 frede mit yn ofnemen, also unszer kamernik, unszer dyner ge- saget hat, der do hynt an dem obende von yn usz dem here gekomen ist, sey leiden groszen kummer, wen sy nicht brod haben noch trang denn wasser, und meynen forder vor sich zcu czyen ken dem Sagen, Luwsitcz und den sechs steten. Besser mere konnen wir euch leider of disz mol nicht vorschreiben, got wandele is schire, weren sy unsz nicht zcu schire of den halsz gekomen, wir hetten gehoft czu gothe dem almechtigen, wen dy Meisnischen hern, di sechs stete und disse niderlen- dischten ffursten Sweidenitczer lant und Breslaw zcu sampne komen, wir welden gut spil mit yn gehabet haben, daz do aller cristenheit solde zcu gutte sey gekomen und troste, got der almechtige fuge is noch seyner barmherczikeit, ouch so hat unszer herre der konig geschreben daz wir czu seynen gnoden komen sollen of mitfasten, und waz her unsz denne sagen wirt, daz welle wir euch eyn anttwert wederschreiben. 569. 1429, Febr. 8 (Krakau). Ein Gesandter der Breslauer an den Rath seiner Stadt: berichtet von den erfolglosen Verhandlungen der Könige zu Luck (in Wolynien). (Grunhagen 1. c. n. 113 [aus d. Orig. in Breslau].) Meyn willigen dinst lyeben hirren und fründe. Wisset, das aus dem tage des gespreches der konige nicht wordin ist, sie sint an ende von nandir gescheyden, wenn is eyn zuversicht gewonnen hatte zu allem gutthim, unde hattin sich geeynet umbe das land zu Rewssen und umbe manche broche, dye sie ken nandir gehat haben, und was unser genedigir hirre der konig begernde holffe ubir die Torken und uber den woywoden der Walucheye, und das wer alles geschen noch seynem willin, und do sprochen die rathe von Polen beyde geystlich und wertlich: genedigir lyeber hirre, sich an das grosse elende die märde und das blutvergissen deynes landes der Slesie, do welle wir dir helffin, wenne sye seynt erger wenne Torkin addir heyden, und do sprach unser genediger hirre der konig: was zol Polen ken Polen thuen, dorumbe wolde wir nicht eyn pfert satteln,