329 Sweidnicz im furstenthume genandt Nymmersat, dovon her die land beschedigte, nu habin es die Sweidniczer dirfallen und ge- wonnen, also das die ketczer yo dovon qwomen und flogen kein Falkinstein, und die Sweydniczer folgeten en nach, und haben sie uff dem Falkinsteyne berant, und meynen sie herabe zu ge- wynnen, und wie sich die sachen forbas habin werden, das wir dirfaren, das wellin wir euch allewege vorschrebin: inirt losset euch nicht vorviln und geruchet zu bestellen zu Kastrein und mit dem foyte in der Marke und andern pflegern, das sic sulche briffe uffnemen und forbas ewer herlichkeit schicken, wenne die ewern sulche brife bas durch brengen an euch denne unserer boten. Und was ir uns wedir brife sendet, die losset antwerten unserm wirte zu Frankinforte Petern Qwente genant, der sie offnemen wirt und uns forbas schicken. Gegebin zu Breslaw an der metewoche noch omnium sanctorum. Conrad von gotes gnaden bischoff zu Breslaw oc. 835. 1432, Nov. 10 (Nürnberg). Der Rath von Nürnberg an Herzog Johann von Bayern: über K. Sig- munds Verhandlungen zu Siena mit den Abgesandten des Papstes. (Nornberger Missiv-Buch X, fol. 82.) Herczog Johannsen von Peyern. Gnediger Herre! Vns hat vnser lieber burger vnd Ratge- sell Paulus Vörchtel gesagt, wie ewr gnade mit Im geredt vnd begert hab an vns zu bringen, ob wir icht treffenlicher mère von vnserm gnedigisten Herren Hern Sigmunden, Römischen oc. Künig hetten, ewern gnaden zu verschreiben oc. Also well ewr gnade wissen, daz wir in kürcz niht eygenlicher mêre dauon gehabt haben; wol haben wir bey XIIII tagen verstanden, wie zwen Cardinal von vnserm heiligen vatter dem Babst zu dem vorgenant vnserm gnedigisten Herren dem künig dauor gen Senis gesandt vnd komen vnd der ein Cardinal da tod vnd der ander Cardinal mit seinen küniglichen gnaden in rede komen were auf söllich meynung: kême sein küniglich majestat selbs