142 678. 1430, Mai 11 (Öls). Herzog Konrad der Junge von Öls an den Hochmeister in Preussen: Nachricht über die Schäden, welche die nach Schlesien eingefallenen Taborer verübt; — in Ungarn sollen sie Tyrnau besetzt haben oc. (Grünhagen 1. c. n. 157 [aus 0. Abschrift in Königsberg].) Mein willigen vndirtanigen gehorsam czuvor. Erwirdiger gnadiger lieber her homeister, euwer gnade geruche czu wissen, die czeitunge, die sich hie in den landen vorlowfen haben, alzo das die ketczer ader Taberer, die man nennet die feld Thaberer, mit geringer macht leichte mit XIIe reytender und czentawsund fusgengern obwendig der Kozil obir die Odir hommen sind und haben mein brudern czwu stete nemlich Bewthum vnd Gleybicz gewonnen, und herczog Sigmund der hat Gleibitz be- satczt, und sint furt herabe obir die Odir bie Krappitcz wiedir geczogen ane brocke durch die forte, und czogen fort kegen Grotkaw und haben da umb drye festen gewunnen nemlich Tif- fensehe, Miristaw (Märzdorf) und Windtumericz, und der junge herczok Bolke von Jopel der der hat Myristaw inne und be- satcz, wenne her am osterobend (15 Apr.) nehest vorgangen mit vil erbaren czu in getreten ist, und czogen do vort ken Nympsch, das haben sie ouch besatcz und haben czum Brige die brocke obir die Odir selber bis in die grund abe gebrand und die czynnen uff der muer abe gebrochen und haben das czoges grossen merclichen schaden getan in der Slesia ane was sie unsern bru- deren getan haben, und czogen fort hen bis ken dem Nuwen- markte und logen do in etczlichin tage, und sint vorbas das gebirge uff geczogen bis ken Ffryberg, do legen sie itczunt, ouch kumpt der grosse Tabor her von Ungern, und leyth itczunt ok acht milen von Troppaw, und meynen vor Troppaw und Kozel, wenne sie herczok Przemkem von Troppaw und andern forsten, die do frede mit en gehat haben, den frede uff gesayt. Ouch geruche euwer gnade wissen, das der hoptman von Greez und der howptman von Troppaw mynen brudern und mir ge- schreben haben, wie das herczog Ffrederich, der itczunt bie myme gnedigen herren dem rom. oc. konig ist, mit dem grosem