251 geschehen ist, als wir vns versehen. Vnd darumb bitten wir ewr ersamkeit mit sunderm fleiss, daz Ir vns bey disem botten in guter frewntschaft verschreiben wellet, als vil ewch denn fük- lich vnd wissenlich sey, ab sölliche briefe den vnglewbigen zu Beheim also geantwurtt worden seyn, vnd wie sie die aufge- nommen vnd sich dagegen gestellet haben, oder was Irs furne- mens darumb seyn welle. Wer ewch aber yecz dauon niht wissenlich, möchtet Ir ewch denn vmb vnsern willen etwas dar- umb erfaren vnd vns das bey ewer selbs botten verschreiben. Söllich bottenlon wölten wir gern beczaln. Vnd wellet ewch so gunsticlich darynnen beweisen, als wir ewer weisheit besunder wol getrawen. Das wellen oc. Datum ut supra (feria IIa beate Elisabeth vidue.) 773. 1431, Nov. 27 (Nürnberg). Der Rath von Nürnberg an Herrn Aleš Holický von Sternberg: Nach- richten von K. Sigmunds Einzug in Mailand, dem Tage zu Frankfurt, dem Schreiben des Concils an die Böhmen oc. (Nürnberger Missiv-Buch IX, fol. 178.) Herrn Alless von Stermberg anderswo von Holicz. Edler L. Herre. Als ewr edel vns verschriben vnd ge- betten hat, ewer edell von vnsers gnedigisten Herren Hern Sig- munden Römischen oc. kunigs gelegenheit etwas zuuerschreiben oc., das haben wir wol vernomen Vnd tun ewer edel zu wissen, daz die gemein rede bey vns ist, daz derselb vnser gnedigister Herre.. der R. oc. kunig kürczlich zu Maylan erwirdiclich eyn- geczogen mit grosser wirdikeit vnd fest empfangen, die mawren dagegen seinen küniglichen gnaden nidergelegt, die grâben er- schüttet vnd ander gross zierd erbotten sey. Wir haben aber des noch kein eygene schrift noch botschaft gehabt. Als vns denn ewer edell gebetten hat von vnserr gnedigen Herren.. der kurfürsten vnd der sache zu Frankfurt oc., also lassen wir ewr edell wissen, daz des vorgenant vnsers gnedigisten Herren des R. oc. k. treffenlich botschaft vnd sust symlich vnser Herren.. die Fürsten vnd der Fürsten vnd stett Rete da gewesen seyn, vnd von notdurft der sache wegen gen Beheim vil gehandelt