359 de communione vtriusque speciei per sacrum Concilium ipsis concederetur, Sed numquam sacrum concilium fuit intencionis et propositi, hunc articulum concedere. Et sic absolute et sine omni colore habuerunt repulsam. Nec vmquam prefatum arti- culum a sacro Concilio obtinebant. Item Superuenit huc quidam Episcopus Anglicus cum notabili comitiua, et plurimi doctores de Anglia, multa mirabi- lia et enormia proposuerunt in publica audiencia contra magi- strum Petrum Anglicum heresiarcham, qui eciam fuit cum Boemis. Item primo, Quomodo publice per vniuersitatem Oxoni- ensem fuisset condempnatus ut Hereticus, et quomodo voluisset prodere Regem Anglie, et detentus euasit ut fur et latro, Item ad hec probanda obligabant se in breui tempore sub pena ca- pitis et amissione omnium bonorum suorum. Hec proposita fuerunt de consensu Hussitarum, qui volu- erunt suam famam in Anglia scire. Quibus auditis responderunt, quod regnum Anglie semper dilexisset honorem regni Boemie Et multum admiraretur, quod predicta vera fuerunt, Cur ipsis talia per suas literas non significassent, quia quandocunque de predictis informati fuissent, Magistrum Petrum sufficienti penitencia punire intendunt, tamquam malefactorem et Regis proditorem. Hic finis, nescio cujus, sed puto esse Thome de Hazlbach. Item socii aliqui fuerunt Wienne, illi qui istos articulos domino Abbati Lucensi portauerunt, referunt, quod dns. dux magnam summam congregat, taxando seculares et spirituales, et super eadem summa quod velit litigare cum Hussitis, si nollent esse concordes. Item Thaborite debent esse in Neuburga, cum consilio do- mini ducis, ad tractandum de pace, dominica infra octauam Ascensionis domini (24 Mai). Item feria VIa, in die Sophie (15 Mai), pausauit quidam nunctius circa nos, quem conduxerant Yglauienses Znoymam, ille transit ex parte istorum doctorum, qui venerunt ex parte Sacri Concilii Pragam, portat litteras cum sigillo Concilii, et