330 zu vnserm Heiligen Vatter.... dem Babst, so were zu hoffen, es wurden alle dink, darumb denn spênne zwischen In gewesen seyn, zu gut komen. Wir vernamen auch dabey, daz zuversehen were, derselb vnser gnedigister Herre.... der kunig wurde demselben weg nachgeen; ob aber das seyd vollgangen oder wie es darumb gestalt sey, wissen wir niht eygenschaft. Denn wo wir ewern fürstenlichen gnaden dienst vnd wolgefallen oc. Datum feria IIa ante Martinj. 836. 1432, Dec. 8 (Nürnberg). Derselbe Rath an den von Brüx: gleichen Inhalts wie das vorige Schreiben, dann von der Geleitung der Böhmen zum Concil nach Basel. (Nurnberger Missiv-Buch X, fol. 95b.) Burgermeistern Ratmannen vnd der gemeyn der Stat zu Prüx. L. Fr. Als Ir vns verschriben vnd gebetten habt, ob wir von dem aller durchlewtigisten fürsten vnd Herrn Hern Sig- munden Römischen, zu Vngern vnd zu Beheim oc. künig, vnserm gnedigisten Herren vnd seinr gelegenheit icht mèr hetten, ewer weisheit das in guter frewntschaft zuuerschreiben oc., das haben wir wol vernomen. Nu haben wir in ettwieuil wochen niht ge- wisser botschaft von seinen küniglichen gnaden gehabt, denn zu denselben zeiten vernamen wir, daz zwen Cardinal von vnserm Heiligen Vatter dem Babst zu dem vorgenant vnserm gnedigisten Herren.. dem künig gen Senis gesandt vnd der Cardinal einer daselbs tod, der ander mit seynen küniglichen gnaden in rede komen were auf meynung, daz versehenlich were, kêmen vnser Heiliger vatter.. der Babst vnd sein kuniglich maiestat selbs persönlich zu einander, es möchten alle andere ding zu gut komen vnd bracht werden. Wir vernamen auch desselben mals dabey, daz derselb vnser gnedigister Herre in meynung wère sich dareyn zugeben vnd gen Rom zu vnserm heiligen Vatter dem Babst also zu vollcziehen; ob aber das seid also vollgangen oder wie es darumb gestalt sey, haben wir seid niht eygenschaft gehabt noch vernomen. Denn von der sache wegen zu Beheim mag ewr gute frewntschaft wol vernommen haben, daz die erwir-