186 achte slugk ist vns Eyn besorgen In gefallin, sint alsch nach hulffe obir den Walt ist der dy ketczer meynen zcu beyten hoffe wyr zcu gote sy kunner Er an der stad myt frommen nicht dyr- beyten worden sy denne vnser macht vornemen so forchte wyr sy worden czihen keygen dem Lüban weren anders dy torme vnd kloster dynne nicht wol besaczet vnd meyten da Ere frunde zcu beyten. bytten wir uch Ir wollit da Eynen gedangken vff habin vnd das In uwerm besten gefallin vor nemen Ouch so thun wir uch wyssin das ich Hanns von Polenczk als morne ryte keygen vnserm herrn von Sachsen vnd dem Burggraffen zcu Myssin In Ere nachtleger by Radeberg nach Ere begerunge vnd ich habe myne botschafft gehad zcu Myssin vnd zcu Dresden dy ist alreyst kommen vnd vorneme anders nicht denne das sye myt redelicher macht kommen als ir ab got wyl wol sullit gewar werden vff sulche czyt als wyr zcusamptne sullin kommen. Gegebin zcu Budyssin am sunabunde In dye Epyfanige domini als der seyger achte slugk vff dy nacht, vnder mynem hanns von Polenczk vnd der stad Budyssin Sig. Hanns von Polenczk oc. vnd Rathmanne zcu Budissin. 724. 1431, Jan. 6 (Dresden). Heinrich von Plauen an die Sechslande und Städte: die verlangte Hilfe gegen die Ketzer werde morgen von Lichtenau sich erheben und zu ihnen ziehen 9c. (Orig. in collect. Scultetl n. 200.) Vnsern dinst vnd bisundern gunst vnd guten willen zuuor Edler herre Gestrenge vnd Ersame weisen libe bisundern Als ir vns von der hulffe wegen kegin den vordampten ketczern geschriben habet das habin wir wol vornomen, vnd thun euch wissin, das wir euch heute bey dem boten den die von Budissin vnserer gnedigen frawen gesant, vnd ewern briff Ingesant ein- geslossin hatten, emboten haben, was ir vnserer gnedigen frawen vnd vns geschriben hettit, das wir das also gerne thun wolden vnd wissen anders nicht, denn das sich vnser gnediger herre der herczoge zu Sachsen mit seiner macht, vnd wir mit anderen,