479 Ibidem. (Vide 10 Mart. 1437. Archiv Český, III, 453.) Copia seu tenor rituum est talis. Cum in litera executoria compactatorum pro parte inclyti regni Bohemiæ oc. nobis legatis sacri concilii Basiliensis data ita contineatur : Nos Alsso oc. gubernator regni Bohemiæ, barones, nobiles, milites, clientes, Praga civitas, sacerdotes, generalem congrega- tionem inclyti regni Bohemiæ et marchionatus Moraviæ oc. Inprimis acceptamus et facimus unitatem fidei catholicæ ecclesiasticam realiter et cum effectu, in unitate fidei catholicæ et conformitate ritus universalis ecclesiæ in omnibus aliis, quam in usu communionis utriusque specici, juxta dictorum ca- pitulorum seriem et tenorem servare defendereque promittimus. Petimus, (uti) scriptum est, realiter et effectualiter servari, ut verbis facta respondeant, videlicet ut unitas fidei et confor- mitas ritus universalis ecclesiæ in omnibus aliis, quam in usu communionis utriusque speciei, prout ibi scriptum est, realiter et effectualiter conservetur, de quibus aut quam (?) pauca ex- primemus ad præsens, salva ulteriori expressione et declaratione: Primo, quod sacramenta ecclesiæ rite et canonice admini- strentur secundum ritum universalis ecclesiæ, excepto usu com- munionis utriusque speciei, juxta tenorem et formam compacta- torum. Quod juxta tenorem compactatorum communicantibus semper dicatur, quod ipsi debent credere, quod non sub specie panis caro tantum aut sub specie vini sanguis tantum, sed sub utraque specie est integer totus Christus. Quod sacerdotes orent horas juxta rubricam diocesis. Quod venerabile signum salvatoris nostri crucis portaretur in omnibus juxta morem ecclesiæ populi christiani. Quod in ecclesiis habeantur venerabiles imagines salva- toris nostri, ejus genitricis aliorumque sanctorum et sanctarum. Quod in portis ecclesiarum teneatur aqua benedicta, qua introeuntes possint se aspergere juxta patrum salubria instituta et ritum universalis ecclesiæ. Et fiant aspersiones diebus do- minicis et super funera defunctorum et in aliis consuetis.