98 supra proxime sit mencio, literarum tenor talis est: (sequitur tenor litterarum eiusdem papae ddto. 1413 Februarii 8. — vide Mon. Boh. Vat. VI, pag. 446, num. 761). Et insuper eadem sacrosancta generalis synodus Constanciensis qudragintaquinque articulos, libros, volumina et opuscula dicti quondam Johannis Wycleff et eius memoriam in sessione publica condemnavit, quorum tenores sequntur et sunt tales: (sequitur decretum Constantiensis concilii die 4. Maii 1415 in 8. sessione promulgatum, cuius tenor, qui verbis „Fidem catholicam“incipit, apud Mansi, Sacrorum conciliorum nova et amplissima collectio, tom. XXVII, pag. 632-635, et apud Hardouin, Acta conciliorum, tom VIII, pag. 299—302, typis excusus exstat). Et subsequenter prefata synodus nonnullos alios articulos sive doctrinas perversas quorundam hereti- corum de prohibicione communionis sacramentorum sub utraque specie duxit condemnandos, quorum tenor sequitur sub hiis verbis: (sequitur decretum eiusdem concilii die 15. Junii 1415 in 13. sessione promulga- tum, cuius tenor, qui verbis ,Cum in nonnullis mundi partibus“ incipit, apud Mansi, 1. c., pag. 727-728, et apud Hardouin, 1. c., pag. 381-382, ac novissime in Mon. Boh. Vat. VI, pag. 630—631, num. 1100, typis excusus est). Et tandem prefata synodus quosdam alios triginta erroneos articulos dicti Johannis Huss publice condemnavit, quorum tenor sequitur et est talis: (sequitur decretum eiusdem concilii die 6. Julii 1415 in 15. sessione promulgatum, cuius tenor verbis „Quia teste Veritate“ incipit; typis excusum apud Mansi, 1. c., pag. 752-755, et apud Hardouin, 1. c., pag. 408—412). Postmodum vero prefata synodus salvos conductus hereticis seu de heresi suspectis quovis modo concessos non fore servandos declaravit, prout sequitur in hec verba: (sequitur decretum eiusdem concilii die 23. Septembris 1415 in 19. sessione promulgatum, cuius tenor verbis „Presens sancta synodus“ incipit; typis excusum apud Mansi, 1. c., pag. 799, et apud Hardouin, I. c., pag. 462-463). Tenor vero condemnacionis dicti Jeronimi per prefatum Constanciense concilium facte talis est: (sequitur decretum eiusdem concilii die 30. Maii 1416 in 21. sessione promulgatum, cuius tenor verbis „In nomine domini amen. Christus deus et salvator noster“ incipit; typis excusum apud Mansi, 1. c., pag. 894-895, et apud Hardouin, 1. c., pag. 564-565). Nos igitur declaraciones, decreta, diffiniciones, reprobaciones, mandata, inhibiciones, statuta necnon condemnaciones et sentencias suprascripta rata habentes et grata illaque auctoritate apostolica ex certa sciencia tenore presencium confirmantes et presentis scripti patrocinio communientes, supplentes quoque omnes defectus, si qui forsan propter solemnitates iuris in procedendo non servatas intervenerint in eisdem, volumus eciam et eadem auctoritate decernimus, quod declaraciones, diffiniciones, reprobaciones, mandata, inhibiciones, statuta necnon condemnaciones et sentencie preinserte plenam vim plenumque robur et vigorem per omnia habeant et ad ea ubilibet probanda hec nostre litere plene sufficiant, quandocunque et ubicunque eas sive in iudicio vel alibi exhiberi contigerit vel ostendi. Nulli ergo etc. ... Si quis etc. Datum Constancie octavo kal. Marcii a. primo. R. Vat. 358 (Mart. V. Divers. de curia a. I. - XIII.), fol. 117-132 — Supra dext.: Conilli, B. de Pistorio, H. Raiscop — In fine: Ja. de curia de Cerretanis - Typis excusum apud Mansi, Sacrorum conciliorum nova et amplissima collectio, tom. XXVII, pag. 1215-1220, et apud Hardouin, Acta conciliorum, tom. VIII, pag. 918-924 218. Archiepiscopis, episcopis et inquisitoribus haereticae pravitatis mandatur, ut quilibet ipsorum infra limites et loca suae iurisdictionis contra omnes et singulos de haeresi sectae Wiklefistarum et Hussitarum suspectos iuxta infrascriptum modum procedant. Constantiae, 1418 Februarii 22. Ven. fratribus Salzeburgensi, Gneznensi et Pragensi archiepiscopis ac Olomucensi, Luthomyslensi, Bambergensi, Misnensi, Pataviensi, Wratislaviensi, Ratisponensi, Cracoviensi, Poznaniensi et Nitriensi episcopis necnon dd. ff. electis ac inquisitoribus heretice pravitatis per Salzeburgensem, Gneznensem, Pragensem, Olomucensem, Luthomislensem, Bambergensem, Misnensem, Pataviensem, Wratislaviensem, Ratisponensem, Cracoviensem, Poznaniensem et Nitriensem civitates et dioceses et alibi ubilibet constitu-