227 concesserit provideri2), dignetur igitur eadem Stas Vra mandare expediri litteras super eadem supplicacione cum expressione canonicatus et prebende predictorum, quorumque fructus etc. decem et octo marcharum argenti puri communi extimacione valorem annuum non excedunt, et cum ceteris non obstantibus et clausulis superius descriptis de gracia speciali. Fiat O. Datum Florencie decimoseptimo kal. Decembris a. secundo. R. Suppl. 134 (lib. XVIII de vacant. per fiat a. secundo), fol. 127'-128 - In marg. sin.: R° Augustini Martini super canonicatu et prebenda ecclesie s. Petri Wissegradensis extra muros Pragenses - 1) Conf. num. 508 — 2) Conf. num. 484 515. Universis provincialibus, prioribus et fratribus ordinis Praedicatorum mandatur, ut fratres dicti ordinis, qui lectura et actibus scholasticis in studiis generalibus non completis procuraverunt ad licentiae in theologia gradum et magisterii honorem se facere promoveri, pro non licentiatis et magistratis habeant teneri et reputari. Florentiae, 1419 Novembris 20. Dd. ff. universis provincialibus ceterisque prioribus ac fratribus ordinis Predicatorum salutem et apostolicam benediccionem. Ad apostolice dignitatis specula, licet immeriti, disponente domino presidentes, ad vestri ordinis conservacionis honorem ac facultatis theologie puritatem nostre consideracionis dirigentes intuitum, que circa hec salubria statuta sunt et ordinata, ut firmiter observentur, partes nostre solicitudinis adhibemus. Sane pro parte dd. ff. Leonardi Stacii, prioris generalis, et diffinitorum capituli generalis ordinis fratrum Predicatorum, dudum in opido Friburgi Basiliensis diocesis celebrati, nobis exhibita peticio contine- bat, quod olim ipsi tunc in dicto capitulo existentes, provide attendentes, quod nonnulli dicti ordinis fratres minus sufficientes et ydonei ad statum ipsis eorum sufficiencia et ydoneitate ponderatis non debitum per viam exquisitam nimiam mundanorum honorem et bonorum ambicione seducti ascendere molientes, lectura et actibus scolasticis circa hoc in studiis generalibus, in quibus illud in dicta theologie facultate viget generale, non completis, extra eadem studia ad licencie gradum et magisterii honorem in dicta theologia promoveri eatenus procuraverant ac eciam procurabant, quod in ipsius ordinis preiudicium cedebat ac eciam scandalum, volentes circa hoc providere de consilio et assensu omnium in prefato capitulo existencium statuerunt et ordinaverunt, si ad hoc apostolice sedis accedert firmitatis auctoritas, quod omnes et singuli fratres dicti ordinis, qui sic licenciati aut magistrati in eadem theologia a quinquennio citra extiterant necnon illi, quos huiusmodi lectura et actibus non completis in ea licenciari aut magistrari contingeret, pro non licenciatis et non magistratis haberentur nec eciam reputarentur, nisi per huiusmodi capitulum aut magistrum approbati forent, ac eciam mandaverunt provincialibus ac aliis eiusdem ordinis prioribus pro tempore extitentibus sub pena absolucionis a suis officiis, quam contravenientes incurrerent, quod taliter licenciatos et licenciandos ac magistratos et magistrandos in eadem theologie facultate ad honores, loca et privilegia, ad que ceteri in ea licenciati seu magistrati admitti solent, non admitterent, sed ipsos tenerent et tractari facerent quoad illa sicuti ante huiusmodi licencie gradum et magisterium tenebantur, prohibuerunt- que insuper diffinitores prefati eidem magistro generali pro tempore existenti, ne cum huiusmodi licenciatis et magistratis de cetero quoquomodo dispensaret. Quare pro parte vestra nobis fuit humiliter supplicatum, ut statutum et ordinacionem huiusmodi rata et grata habere pro eorum subsistencia firmiori illaque observari mandare dignaremur. Nos igitur huiusmodi ... supplicacionibus inclinati..., discrecioni vestre per apostolica scripta mandamus, quatinus omnes et singulos licenciatos et magistratos huiusmodi vel imposterum licenciandos aut magistrandos in dicta theologie facultate prefati ordinis, quos, nisi lecturam et actus scolasticos in studio eiusdem facultatis theologie, in quo illud vigeat generale, fieri solitos compleve- rint et in eodem studio ad huiusmodi licencie gradum ac magisterii honorem suscipientes in eadem theologia reperti fuerint sufficientes et ydonei, pro non licenciatis et non magistratis in dicta facultate apud vos et quoscunque alios haberi volumus, pro non licenciatis et non magistratis habeatis et reputetis et ab aliis pro non licenciatis et non magistratis faciatis auctoritate nostra ab omnibus teneri et eciam reputari, decernentes