18 apostolico materia questionis et in causa ad aliquos actus processo, ipse Christinus liti ac cause huiusmodi ac omni iuri sibi in dicta ecclesia vel ad illam quomodolibet competenti... in dicta curia sponte et libere cesserit ac renunciaverit, asserentibus eciam aliquibus neutri predictorum Jacobi, Nicolai et Johannis in prefata ecclesia vel ad illam ius competere, supplicat...idem Jacobus, quatenus... statum cause huiusmodi habentes pro expresso necnon eandem cessionem admittentes, ipsum in iure et ad ius huiusmodi, quod dicto Christino in eadem ecclesia vel ad illam tempore huiusmodi cessionis compeciit aut competere potuit, surrogare sibique eciam in eventum, quo neutri ius competat, ut prefertur, de dicta ecclesia, cuius fructus etc. quindecim marcharum argenti etc., providere dignemini... Concessum. Datum Constancie quinto kal. Decembris a. primo. R. Suppl. 105 (lib. I de vacant. per concessum a. primo), fol. 4-4. - In marg.: Jo. Constantinus 33. Gregorius f Thomae] de Praga, magister in artibus et Sigismundi, Romanorum regis, capellanus, supplicat, ut sibi de parochiali ecclesia s. Benedicti in Hradčany provideatur. Constantiae, 1417 Novembris 27. B. p. ac clementissime domine. Vacante ecclesia parrochiali s. Bendicti in Hradczano Pragensis diocesis per obitum domini Hane alias Johannis, presbiteri Pragensis, ultimi ipsius ecclesie rectoris extra Romanam curiam defuncti, dev. orator vester Gregorius de Praga, magister in artibus, ... domini Sigismundi, Romano- rum regis ... ac Hungarie, Dalmacie, Croacie etc. regis, cappelanus specialis, eandem vigore gracie expectative a sede apostolica sibi facte acceptavit et sibi de eadem provideri obtinuit possessionemque pacificam tunc extitit assecutus et ipsam aliquamdiu tenuit et possedit, prout de presenti tenet et possidet. Verum quidam Nicolaus de Prachowicz, clericus Luthomislensis diocesis, se ius in eadem ecclesia pretendens [habere], eidem iuri in manibus vicecancellarii Sus V’e renunciavit, quapropter idem Gregorius dubitat... Supplicat ... idem Gregorius, quatenus sibi de eadem ecclesia, cuius fructus etc. tredecim marcharum argenti... valorem annuum non excedunt,... dignemini misericorditer providere. Non obstantibus, quod vigore eiusdem gracie canonicatum et prebendam ecclesie Pragensis acceptaverit et sibi de eisdem provideri obtinuerit... Concessum. Datum Constancie quinto kal. Decembris a. primo. R. Suppl. 105 (lib. I de vacant. per concessum a. primo), fol. 81'-82 - In marg.: Jo. Constantinus — Eadem supplicatio etiam in R. Suppl. 111, fol. 84'-85, sub datis autem „non. Decembris a. primo“ (S. Decembris 1417), registrata invenitur. 34. Johannes Kerseber supplicat, ut sibi de canonicatu et praebenda ecclesiae b. Mariae Glogoviensis nec non de parochiali ecclesia in Wormditt (Orneta) Varmiensis dioecesis, quae vigore litterarum apostolicarum acceptavit, de novo provideatur. Constantiae, 1417 Novembris 27. B. p. Dudum vacantibus canonicatu et prebenda in ecclesia b. Marie Glogovie Maioris per mortem quondam Nicolai Sliwicz necnon parrochiali ecclesia in Wormedit per mortem quondam Georgii Vredelant Wratislaviensis et Warmiensis diocesis extra Romanam curiam defunctorum, dev. vester Johannes Kerseber canonicatum et prebendam ac parrochialem ecclesiam predictos sic vacantes vigore quarundam litterarum apostolicarum sibi graciose factarum infra tempus debitum acceptavit sibique fecit provideri de eisdem ac possessionem eorundem extitit assecutus; dubitat tamen... Supplicat igitur... dictus Johannes, quatenus sibi de dictis canonicatu et prebenda, quorum fructus decem, ac parrochiali ecclesia predicta, cuius quatuor- decim etc. marcharum argenti... valorem annuum non excedunt,... dignemini misericorditer providere... Concessum. Datum Constancie quinto kal. Decembris a. primo. R. Suppl. 105 (lib. I de vacant. per concessum a. primo), fol. 94' - Rep. Germ. IV, col. 1722