414 Copia in codice manuscripto saec. 15. bibliothecae Nationalis Vindobonensis sign. 3296, fol. 407'-407' - Typis excusum apud Palacký, Urkundliche Beiträge I, pag. 274—275, num. 251 1010. Archiepiscopo Bisuntinensi mandatur, ut adiunctis sibi aliqubus probis viris de facultatibus suae ecclesiae et aliorum beneficiorum civitatis et dioecesis Bisuntinensis informatis subiectum sibi clerum, qui secundum conclusionem congrerationis christianorum principum in civitate Naumburgensi habitae una cum omnibus aliis ecclesiasticis personis Germaniae pro gerenda guerra contra haereticos Bohemos taxari debetur, de novo taxet. Romae, 1422 Decembris I. Ven. fr. archiepiscopo Bisuntinensi salutem etc. Cum ad defensionem et conservacionem fidei christiane et status ecclesiastici a deo instituti contra perfidam heresim, que regnum Bohemie miserabiliter excecavit, omnium fidelium studia merito debeant excitari, illi precipue et ante omnes, qui in dignitatibus ecclesiasticis per Germaniam constituti huius nefande pestis periculo propinquiores esse noscuntur, sunt striccius requi- rendi, ut ad hoc sanctum propositum de bonis ecclesiasticis, que a domino receperunt, in fidei et ecclesie sue defensionem et depulsionem vicini periculi liberaliter et libenter exponant. Fuit igitur, sicut nuper accepimus, in congregacione principum habita in civitate Nuemburgensi, ibidem existentibus carissimo in Christo filio nostro Sigismundo, Romanorum, Hungarie et Bohemie rege illustri, principibus electoribus imperii aliisque proceribus, prelatis et nunciis ac legatis plurium civitatum et una cum ipsis d. f. nostro Branda, tit. s. Clementis presbitero cardinale, apostolice sedis legato per nos ad hoc fidei negocium specialiter destinato, per eorum consilia super causa fidei celebrata, conclusum et firmiter ordinatum, ut pro gerenda guerra continua contra hereticos usque ad exterminacionem huius pestis irremisibiliter duratura omnes prelati et persone ecclesiastice per Germaniam taxarentur in diversis gencium armigerarum quantitatibus substituen- dis secundum facultates et condiciones eorum, et quia, ut nobis asseritur, taxe nonnulle ibidem facte fuerunt propter brevitatem temporis et alias occupaciones agencium forsitan inequales nec ita diligenter, ut esset expediens, consummate, nos, ne propter hoc in tanto negocio debita auxilia cessent aut inequaliter conferan- tur, sed ut omnia in causa dei iuste procedant, quantum nobis est possibile, providere volentes, fraternitatem tuam requirimus et eidem per apostolica scripta mandamus, quatenus tibi adiunctis aliquibus probis et honestis viris... de facultatibus ecclesie tue et aliorum beneficiorum ecclesiasticorum informatis, tu una cum illis, omni proprii commodi affeccione deposita, secundum vestras consciencias te pro ecclesia tua et quaslibet personas ecclesiasticas tuarum civitatis et diocesis tibi subiectas non exemptas dumtaxat de novo taxetis, sive quoad gentes armigeras, sive quoad alia subsidia conferenda, et hoc, quantocicius fieri poterit, cum omni solicitudine studeas effectualiter adimplere, ne prefatus cardinalis in aliis hanc causam concernen- tibus occupatus cogatur, si non faceres, negligenciam tuam suplere. Nam ei scripsimus et commisimus1), ut exemptos per se vel alios taxet, te et alios prelatos diligenter solicitet, ut vos et subiectos vestros... non exemptos iuxta mandata nostra taxetis, et omnium taxas inspiciat et, si indebite facte forent, cum bono consilio ipsas corrigat et reformet, ut aliquando deo auctore cum ecclesiasticorum et laicorum fidelium auxiliis, quos ad hanc sanctam expedicionem nunciis et litteris ... hortari non ... cessamus, hec maligna heresis extinguatur, aut per conversacionem et reduccionem hereticorum, aut per exterminacionem eorum. Datum Rome apud s. Mariam Maiorem kal. Decembris a. sexto. R. Vat. 354 (Mart. V. De curia a. IV.—VI.), fol. 170—170' — Supra: (sin.) A. de Luschis; (dext.) De curia — In fine dext.: P. de Marrigniaco — In fol. 171-172' sequitur: „Item fuit similis directa: domino archiepiscopo Viennensi, ... Treverensi,... Bremensi,... Coloniensi, domino episcopo Eystetensi, ... Frisingensi, ... Sekkoviensi,... Metensi,... Kiemensi,... Gurcensi, ... Havelbergensi,... Sleswicensi, ... Basiliensi,... Missniensi,... Gebennensi,... Lubicensi,... Halberstadensi,... Mersebur- gensi,... Padeburnensi, ... Hildesemensi, ... Pataviensi, ... Brixinensi, ... Laventinensi, ... Tulensi, ... Cameracensi,... Bambergensi,...Constanciensi,... Virdunensi,...Caminensi,... Lausonensi,... Argentinensi,... Monasteriensi,... Ratispo- nensi, ... Nuemburgensi, ... Mindensi, ... Curiensi, ... Wormaciensi, ... Herbipolensi, ... Leodiensi, ... Traiectensi,... Osnaburgensi,... Augustensi. Et sub eadem data.“ — Rep. Germ. IV, col. 863 - 1) Conf. num. 1019