313 Universis preterea et singulis, quos eodem signo crucis muniri contigerit, ut prefertur, illo privilegio illaque immunitate gaudere decernimus, que cruce signatis pro terre sancte subsidio in generali concilio sunt concessa, eorumque personas necnon familiam, res et bona sub b. Petri et dicte sedis atque nostra proteccione permanere debere, statuentes insuper, ut bona predicta extunc, donec de ipsorum reditu vel obitu certissime constiterit, integra maneant et quieta; illorum vero archiepiscopi, episcopi necnon archidia- coni et alii superiores eorumque officiales ipsos et huiusmodi bona auctoritate predicta tueantur, non permittentes eos contra huiusmodi statuti tenorem ab aliquibus indebite molestari, molestatores huiusmodi per censuram ecclesiasticam et alia iuris remedia, appellacione postposita, compescendo, invocato eciam ad hoc, si opus fuerit, auxilio brachii secularis. Non obstantibus, si aliquibus communiter vel divisim a dicta sit sede indultum, quod interdici, suspendi vel excommunicari non possint, per litteras apostolicas non facientes plenam et expressam ac de verbo ad verbum de indulto huiusmodi mencionem. Ceterum ut huiusmodi ipsius vivifice crucis signo muniti eo facilius reddantur huiusmodi remissionum et indulgencia- rum participes, quo se liberius eximere posse conspexerint ab onere delictorum, tibi et eisdem patriarchis, archiepiscopis, episcopis, electis, abbatibus et prelatis, de quibus pro tempore visum fuerit, qui et alii ydonei sacerdotes seculares et regulares ad id per te assumendi, quibus eciam, ut omnium pro huiusmodi expedicio- ne negocii crucesignatorum confiteri volencium confessiones audire ac ipsis confessionibus diligenter auditis pro peccatis suis ac excessibus omnibus per illos commissis, eciam si manuum iniectores ) in clericos et religiosos aut incendiarii et sacrilegi fuerint, debite absolucionis beneficium impendere et iniungere peniten- ciam salutarem, eciamsi huiusmodi peccata tam grandia et enormia essent, propter que sedes apostolica foret merito consulenda, libere et licite valeatis, auctoritate apostolica tenore presencium indulgemus. Verum quoniam difficile videretur presentes litteras singulis exhiberi4), volumus, quod tu huiusmodi litterarum transsumptum publica manu confectum, tuoque sigillo impendente munitum, personis et in locis singulis, ubi et quando tibi expedire videbitur, transmittere et insinuare procures, cui quidem transsumpto velud originalibus litteris ubique dari volumus et decernimus plenam fidem. Datum Rome apud s. Petrum id. Aprilis pontificatus nostri a. quatro. R. Vat. 353 (Mart. V. De curia a. III. — V.), fol. 149'—151' — Supra: (sin.) J. de Templis; (dext.) De curia — In fine dext.: G. de Callio - Copia in codice manuscripto saec. 15. bibliothecae Nationalis Vindobonensis sign. 3296, fol. 385'-386° — Typis excusum apud Palacký, Urkundliche Beiträge I, pag. 70-75, num. 74 —a) ,Misne in cod. — b),previdimus in cod. —9),iniectores' deest in cod. —4) ,exhibere in cod. — 1) Vide num. 732 735. Omnes christifideles in regionibus Germaniae consistentes rogantur, ut Brandam, tit. s. Clementis presby- terum cardinalem ad regnum Bohemiae ac alias mundi partes per apostolicam sedem destinatum, cum debito honore et favore recipiant eique opportunum auxilium praestent. Romae, 1421 Aprilis 13. Ven. fratribus archiepiscopis et dd. ff. nobilibus viris electoribus imperii ceterisque prelatis, principibus, nobilibus et aliis christifidelibus in regionibus Germanie consistentibus3) salutem etc. Cum tocius christiane religionis solidum et invertibile fundamentum in orthodoxe fidei catholica veritate consistat, nos, qui universali ecclesie, licet insufficientibus meritis, presidemus, ad eiusdemb) fidei salutarem doctrinam in sue sincerissime puritatis integritate servandam protegendamque summis aspiramus affectibus, et admodum graviter et cum magna cordis acerbitate ferimus illam multiplicium errorum et heresum sectam dampnabi- lem, que, prochdolor, in partibus regni Boemie tot gencium milia sue letaliter infecit veneno perfidie ac in dies velut cancer mortifere serpens inficit et iugiter gravius invalescit, non solum in unius gentis aut patrie, sed tocius universalis ecclesie et ipsius christiane religionis cum divini cultus exterminio gravissimum periculum ac non satis existimabile detrimentum, ad cuius dampnatorum hereticaliumque dogmatum secte et confusionis extirpacionem divina dirigente clemencia cum potentibus fidelium principum auxiliis et favoribus oportunis feliciter operandam, post priores ad hoc opus salutare conatus nostros aliorumque nostrorum et sedis apostolice legatorum et nunciorum destinaciones, nunc eciam d. f. Brandam, tit.